Subscribe në Ora News këtu http://bit.ly/1s5j7UT<br />Kryeministri, Edi Rama, është ndalur këtë të dielë në qytetin e Korçës në kuadër të turit të llogaridhënies publike.<br /><br />Akuzat nga opozita, deri tek falenderimi për ndërkombëtarët, kanë dominuar këtë takim ku sipas kreut të qeverisë ishin të huajt ata që e mbështetën hapjen e negociatave, ndërsa opozita habiti duke luftuar kundër.<br /><br />Rama: Parafytyrojeni, në tryezën e ministrave të Këshillit Europian, ministri i Jashtëm i Greqisë dhe ministri i Jashtëm i Italisë kanë luftuar sikur të ishin aty ministrat e Maqedonisë dhe Shqipërisë. Kanë luftuar 1000 herë më shumë, sesa ka luftuar opozita e këtij vendi. Vendet anëtare, të gjithë miqtë tanë kanë luftuar për Shqipërinë 1000 herë më shumë e këta jo vetëm nuk kanë luftuar, por kanë luftuar kundër, - bëjnë me biznesin e vogël, që i mashtrojnë njerëzit me lajme të rreme, që u vu TVSH-ja, do ju rritet kjo e do ju rritet ajo, do vijë fundi i botës për ju.<br /><br />Rama po ashtu mohoi akuzat e opozitës në lidhje me ndërtimin e Teatrit të ri Kombëtar.<br /><br />Rama: Do bëhet teatri dhe 230 -250 milionë u vodhën. Por ajo e gjitha kushton aq. Është një çmenduri. Do bëhet kjo - u vodhën, thonë. E ka thënë mirë një fjalë e mençur. Nëse akuzon dikë për diçka që ai nuk e ka bërë, ose e ke bërë vetë, ose je gati ta bësh vetë, po t?u dha mundësia. Se nuk më shkon mendja mua që t?i akuzoj në këtë formë, se nuk i kam bërë ato gjëra e nuk dua t?i bëj ato gjëra. Ujku, ujku, po çakalli bën kërdinë. Po këta çakallit i marrin të keqen. Nuk e di me cilën specie mund të krahasohen, pa fyer specien që përdor për krahasim.<br /><br />Kryeministri dëgjoi shqetësimet dhe problemet e qytetarëve korçarë duke i ftuar të denoncojnë çdo rast në portalin Shqipëriaqëduam.al, pasi vetëm përmes kësaj platforme do të marrin përgjigjet dhe zgjidhjet që kërkojnë.<br /><br />Banorja: Quhem Pranvera Taillari, jam pjesë e platformës së bashkëqeverisjes, kam aplikuar. Jam kryefamiljare e divorcuar, pas divorcit kam studiuar për 6 vjet, kam bërë dhe Masrterin profesional në Fakultetin e Bujqësisë. Ju kam kërkuar të gjithë drejtuesve këtu për një punë sadopak, edhe sanitare, me gjithë diplomat që kam.<br /><br />Rama: Nëse do punë dhe je gati të punosh.<br /><br />Banorja: E gatshme kam qenë.<br /><br />Rama: Nesër ditë e hënë, ora 8 në mëngjes të paraqitesh në punë, është e sigurt që do ta gjesh punën. Por mos më vër kusht që të jetë punë në shtet.<br /><br />Në takim nuk kanë munguar as batutat siç ishte ajo kur Rama tha se janë burrat ata që e kanë marrë në qafë këtë vend.<br /><br />Rama: Unë besoj që këtë vend e kanë marrë në qafë burrat. Kështu besoj unë. <br />Për më shumë lexoni në:<br />http://oranews.tv/article/rama-miqte-nderkombetare-na-mbeshteten-opozita-luftoi-kunder-negociatave
