Subscribe në Ora News këtu http://bit.ly/1s5j7UT<br /><br />Pas afro 6 orë debatesh e tonesh të larta në komisionet parlamentare, deputetët e mazhorancës votuan në parim projektligjin që i hap rrugë ndërtimit të teatrit të ri.<br /><br />Por ashtu sikurse nisi, diskutimi përfundoi me përplasje mes pozitës e opozitës.<br /><br />Më herët, ministrja e Kulturës, Mirela Kumbaro nga komisioni i Medias deklaroi se do të diskutohen nga komisioni i posatshëm që pritet të ngrihet pas miratimit të këtij projektligji.<br /><br />Kumbaro: Janë kompetencat e komisionit të negocimit që do të studiojnë në detaje edhe propozimin, edhe projektin, edhe aspektin teknik, edhe standardin e projektin, edhe vlerën ekonomike dhe analizën e pronës.<br /><br />Për ta mbrojtur ligjin në komisionin përgjegjës, bashkia kishte sjellë numrin dy Arbën Mazniku, i cili deklaroi se teatri I ri do të ketë sipërfaqe të dyfishuar ndërtimi në krahasim me atë që është sot..<br /><br />Mazniku: Pjesa që futet realisht në zhvillim është sipërfaqe që është diferenca prej 2942.5 metra. Në këmbim të ndërtimit, ne nuk i marrim ndërtim si bashki që jemi pronar në territor, i marrim në këmbim si sipërfaqe teatri. Nga 1200 metra që kemi sot ndërtim teatër në Hipotekë, ne marrim 9 mijë metra teatër. <br /><br />Opozita edhe gjatë diskutimit në komision këkroi shtyrjen e diskutimit me procedurë të përshpejtuar ndërsa hodhi akuza në adresë të qeverisë e cila sipas PD po legjitimon një tjetër aferë korruptive.<br /> <br />Për më shumë lexoni në: http://oranews.tv/article/teatri-votohet-ne-parim-mazniku-do-te-dyfishojme-siperfaqen
