Të gjithë ata gjyqtarë e prokurorë të cilët vetting-u i la në klasë kanë një tjetër shans për t?u rikthyer sërish në sallën e gjyqit, kësaj radhe si avokatë.<br /><br />Mundësinë për ushtrimin e këtij profesioni të lirë ua dha mazhoranca përmes ndryshimeve në ligjin për avokatinë, ndonëse në 2 Maj gjatë prezantimit të draftit, kreu i Komisionit të Ligjeve, Ulsi Manja ishte shprehur kundër.<br /><br />"Ne i nxjerim nga dera, s'i lëmë të hynë nga dritarja".<br /><br />Por dy muaj pas këtij propozimi, kreu i Komisionit të Ligjeve ka një tjetër qëndrim.<br /><br />"Ky është profesion i lirë, punojnë mbi 10 mijë veta".<br /><br />Drafti ka marrë kundërshti edhe nga deputetë të mazhorancës.<br /><br />"Pse të bëhet avokatia streha e gjyqtarëve të korruptuar", thotë deputeti Bashkim Fino.<br /><br />Maks Haxhia: "Profesion i lirë, nëse eshte i paaftë do jetë edhe si avokat i tillë. Ne nuk mund të bëjmë dot gjykatën, nëse e dënon gjykata po".<br /><br />Shumica kaloi në Komisionin e Ligjeve edhe ndryshimet në draftin për Shkollën e Magjistraturës, por për miratimin e tij në Kuvend nevojitet edhe konsensusi me opozitën.
