http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Një bandë narko-trafiku shqiptaro-arabe është shkatërruar nga policia italiane gjatë orëve të para të mëngjesit të kësaj të marte. Grupi kriminal i përbërë nga 22 persona, 8 prej të cilëve shqiptare merrej kryesisht me importin dhe shitjen e kokainës.<br /><br /><br /><br />Operacioni antidrogë i koduar "Sottobosco", u zhvillua në disa rajone: Emilia Romagna, Toscana, Lombardia dhe Sicili.<br /><br /><br /><br />Hetimet ndaj bandës nisën marsin e vitit 2016, kur një familje, djali i të cilës konsumonte drogë, denoncoi në polici disa incidente dhe grabitje nga një grup që merrej me shpërndarjen e kokainës.<br /><br /><br /><br />Sipas hetimeve organizata ishte e strukturuar mire: pjesë e saj ishin edhe 8 shtetas shqiptare; Defrim, Enver, Haxhi dhe Besnik Dervishi dhe Klodian Alushku të cilët vepronin në krahinat e Pizës dhe Firences.<br /><br /><br /><br />Ata ishin përgjegjës për furnizimin me sasi të konsiderueshme kokaine nga Holanda, duke përdorur një rrjet korrierësh, të ndihmuar nga Olsi Ivziku, për të kaluar drogën në tregun e lëndëve narkotike në Ferrara, Bolonjë, Toskanë etj.<br /><br /><br /><br />Ndërsa dy shqiptarët e tjerë Shpëtim Fili dhe Shkëlzen Cani menaxhonin një rrjet të pavarur të shpërndarjes së kokainës që e merrnin nga grupi tjetër.<br /><br /><br /><br />Megjithatë truri i organizatës konsiderohet Mohamed Jarmouni, i cili përveç se kujdesej për furnizimin me kokainë, siguronte edhe transaksionet e parave. Ai kujdesej gjithashtu për blerjet e grupit dhe asgjësimin e konkurrentëve në hapësirat gjeografike ku vepronte banda.<br /><br /><br /><br />Sipas mediave italiane, grupi kriminal blinte kokainën për rreth 35 mijë euro kilogrami, dhe e shiste për 80 deri në 120 euro grami tek konsumatorët përfundimtar.<br />Policia arriti të konfiskojë rreth 7 kg kokainë dhe 28 mijë euro cash.
