Subscribe në Ora News këtu http://bit.ly/1s5j7UT<br /><br />Policia e Korçës finalizoi këtë të enjte një operacion antidrogë gjatë të cilit burimet thanë se u sekuestrua rreth gjysmë kilogrami heroinë. Lënda e fortë narkotike u zbulua në një dyqan celularësh që besohet se shërbente si bazë e trafikut të drogës së fortë. Në pranga raportohet se u vunë katër persona. Ndërkohë tre shpërndarës të heroinës e kokainës janë arrestuar nga Policia e Vlorës dhe Sarandës.<br /><br />Rreth gjysmë kilogrami heroinë është sekuestruar këtë të enjte në Korçë në një aksion blic të sektorit të Antidrogës që sipas burimeve vuri në pranga 4 persona. <br /><br />Droga u kap në një dyqan tregtimi e servisi celularësh që dyshohet se funksiononte si bazë e shpërndarjes së drogërave të forta në qytetin juglindor.<br /><br />Policia ende nuk ka dhënë asnjë detaj mbi operacionin, por burime të besueshme thanë se në pranga kanë rënë tre persona të përfshirë direkt në trafik dhe një blerës, emrat e të cilëve ende nuk janë bërë të ditur për shkak të veprimeve hetimore që janë në vijim.<br /><br />Policia e ka mbajtur në fshehtësi të plotë kryerjen e këtij operacioni, duke ja besuar goditjen vetëm një grupi të vogël efektivësh nga sektori i luftës kundër narkotikëve.<br /><br />Ndërkohë 59 doza heroinë, 23 doza kokainë u sekuestruan në dy operacione të ndryshme të finalizuar nga Policia e Vlorës dhe ajo e Sarandës.<br /> <br />Për më shumë lexoni në: http://oranews.tv/article/kapen-me-heroine-e-kokaine-3-te-arrestuar-ne-sarande-e-vlore
