http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Operacion i koduar ?lucia? çoi në arrestimin e 41-vjeçarit i cili është me precedentë të mëparshëm penalë në fushën e mashtrimit. Pasi kontaktonte me biznesmenë u premtonte se do t?iu siguronte leje ndërtimi në zona të ndryshme të kryeqytetit. Për tu bërë akoma më i besueshëm ai kishte arritur ti bindte investitorët se kishte lidhje me një nga studiot e avokatisë në Milano.<br /><br /><br /><br />Nëpërmjet email-eve false bënte kontrata noteriale fiktive të cilat më pas ja prezantonte investitorëve. 3 prej tyre ranë pre e mashtrimit ndërsa Ciruna arriti ti merrte 1 milionë euro. Veç kësaj për të futur në grackë sa më shumë biznesmenë Ciruna hapi dhe një kompani Call Center me aktivitet në fushën e shitblerjeve të pasurive të paluajtshme. Sipas policisë nëpërmjet saj ai arriti të merrte një italiani 37 mijë euro.<br /><br /><br /><br />Por ky nuk është rasti i vetëm ku skemat e mashtrimit janë kthyer në një problem për policinë. Pak ditë më parë seksioni për krimin ekonomik sekuestroi asete bankare në vlerën e 1. 5 milionë eurove të Stefano Lorenzit.<br /><br /><br /><br />Italiani me precedentë të mëparshëm kishte hapur një shoqëri fantazmë në Shqipëri dhe kishte arritur tu merrte shuma të mëdha kompanive të huaja. Paratë më pas i transferonte në llogari bankare në vende të ndryshme si Hong Kong, Kinë dhe Itali. Shqipëria shërben dhe si vend i pastrimit të parave si në rastin e dy norvegjezëve të cilët kishin arritur të pastronin mbi 800 mijë euro.
