Subscribe në Ora News këtu http://bit.ly/1s5j7UT<br />Tri viktima janë shënuar në plazhet shqiptare gjatë ditës së shtune në Durrës dhe Sarandë. Një turiste polake është mbytur në det tek Kanali i Cukës ndërsa trupi i saj është përcjellë në Tiranë për autopsinë. Ndërkohë gjatë paradites në Durrës dy persona kanë humbur jetën teksa laheshin në plazhin e Currilave dhe në zonën e Porto Romanos. Kullat e vrojtimit dhe rojet e plazheve mbeten shqetësimet kryesore në këtë sezon të ri turistik.<br /><br />Moti keq në bregdet i shoqëruar me dallgë ka shkaktuar 3 viktima gjatë së shtunës, midis të cilëve edhe një turiste polake.<br /><br />Ndërsa dy persona të tjerë kanë rrezikuar mbytjen në Golem gjatë pasdites.<br /><br />Turistja polake është mbytur në zonën e Sarandës teksa lahej në det.<br /><br />52-vjeçarja, Noëorycka Peter Iëona, është nxjerrë pa jetë nga uji, ndërsa trupi i saj është transportuar në Tiranë për autopsinë.<br /><br />Policia e Sarandës në një reagim për median thekson se ka nisur hetimi për sqarimin e rrethanave të ngjarjes.<br /><br />Më herët gjatë ditës, edhe dy persona humbën jetën në plazhet e Durrësit.<br /><br />Në orët e mëngjesit, një 72 vjeçar është gjetur i vdekur në zonën bregdetare të Currilave.<br /><br />Viktima është parë nga pushuesit që kishin zgjedhur plazhin e Currilave për të kaluar fundjavën.<br /><br />Policia, e cila shkoi menjëherë në vendin e ngjarjes, ka bërë të mundur identifikimin e kufomës.<br /><br />Sipas policisë nga verifikimet bëhet fjalë për 72-vjeçarin me iniciale A.K., por ende nuk është percaktuar shkaku i vdekjes së tij, ndërsa trupi është gjetur disa metra larg bregut te detit.<br /><br />Vetëm pak orë pas kësaj ngjarje, një tjetër person i moshës 62 vjeç, është gjetur i mbytur në zonën e Porto Romanos ku po lahej në det.<br /><br />Ndërsa në orët e pasdites së të shtunës, një 14 vjeçar ka rrezikuar jetën teksa ka hyrë të lahej në det por në ndihmë të tij ka shkuar kushëriri i tij 44 vjeçar, i cili edhe pse me vështirësi, arriti ta shpëtonte.<br /><br />Çështja e kullave të vrojtimit dhe rojeve të plazheve është një nga shqetësimet kryesore për sigurinë në plazhet shqiptare në këtë sezon të ri turistik.<br /><br />Në disa raste në Durrës ka pasur edhe shqetësime për mungesën e ndihmës mjekësore për rastet e të mbyturve në plazhe. <br />Për më shumë lexoni në:<br />http://oranews.tv/article/sarande-mbytet-turistja-polake
