Një ngjarje e rëndë e ndodhur mbrëmë në një plazheve më të frekuentuar të Shqipërisë, atë të Dhërmiut, ka tronditur me qindra pushues të huaj e shqiptarë që kishin zgjedhur këtë zonë bregdetare për të pushuar, duke i dhënë një goditje të rëndë turizmit, në kulmin e tij.<br /><br />Një sherr masiv mes disa personave në një nga lokalet e natës aty, ka degjeneruar deri në përdorimin e armëve të zjarrit. Katër plumba pistolete janë qëlluar në mes të lokalit të mbushur plot e përplot me turistë, nga Emiljano Nina, një 23-vjecar i cili është arrestuar nga policia.<br /><br />Pushues të shumtë, vendas dhe të huaj, të mbledhur në lokalin me emrin Havana, të kapur në panik dhe për t?u shpëtuar plumbave, janë larguar të tmerruar e me shpejtësi, duke shkelur mbi njëri tjetrin.<br /><br />Pamjet të cilat qarkullojnë pas ngjarjes nga Bar Havana janë tronditese. Tavolina të rrezuara në tokë, gota të thyera duken gjithandej, që dëshmojnë se situata ka qenë e frikshme.<br /><br />Dëshmitarë okularë kanë treguar në forma të ndryshme, përmes postimeve në rrjete sociale po dëshmive për gazetarët, tmerrin që panë me sy.<br /><br />Thonë se kanë parë persona të përgjakur gjatë kohës që tentonin të iknin pasi plumbat e pistoletës iu vërshonin mbi kokë.<br /><br />Zyrtarisht policia sqaron se nga kjo ngjarje nuk ka patur asnjë të plagosur apo dëmtuar. Sot në këtë lokal kanë mbetur ende gjurmët e ngjarjes së rëndë të një dite më parë.<br /><br />Pushuesit nuk e kanë harruar tmerrin dhe thonë se nuk do të kthehen më ketu, duke dëshmuar kështu dëmin më të madh që i ka shkaktuar kjo ngjarje turizmit në Shqipëri.<br /><br />Duket se këto plumba inaguruan edhe pedonalen e re të Dhermiut, një investim i qeverisë ky për të ndihmuar turizmin.<br /><br />Por me një pasiguri të tillë, ku persona të rrezikshëm qarkullojnë me armë nëpër lokale e plazhet më të frekuentuara dhe i përdorin ato si pa të keq duke rrezikuar jetën e turistëve, imazhi i Shqipërisë turistike është goditur rëndë.<br /><br />Pasi në këto kushte pasigurie, asnjë pushues i huaj nuk do të zgjidhte për të pushuar nje vend ku mund t?i rrezikohet jeta.<br /><br />Tv Klan
