Subscribe në Ora News këtu http://bit.ly/1s5j7UT<br />Një gabim njerëzor nxori nga shinat në stacionin hekurudhor të Rrogozhinës trenin e udhëtarëve të linjës Elbasan-Durrës. Ngjarja shkaktoi panik mes rreth 40 udhëtarëve ku kishte turistë të huaj, por fatmirësisht nuk pati të lënduar.<br /><br />Treni i pasagjerëve të linjës Elbasan-Durrës, doli nga shinat në stacionin e Rrogozhinës.<br /><br />Ngjarja shkaktoi panik mes rreth 40 udhëtarëve, por për fat të mirë nuk pati persona të lënduar edhe për shkak të shpejtësisë së ulët prej 5 km/h në që po lëvizte treni në atë kohë.<br /><br />Shkak për ngjarjen është bërë një gabim i cilësuar njerëzor.<br /><br />Një punonjës i stacionit hekurudhor ka ndërruar para kohe të linjës së qarkullimit të trenave, çka shkaktoi shkëputjen dhe daljen nga shinat të një vagoni.<br /><br />Pasagjerët kryesisht ishin nga zonat e Elbasanit dhe udhëtonin drejt Durrësit për plazh.<br /><br />Mes tyre raportohet se ishin edhe të paktën dy turistë të huaj.<br /><br />Pasagjerët ndërkohë mbërritën në destinacione me mjete të tjera të paguara nga Drejtoria e Hekurudhës Shqiptare.<br /><br />Aksidentet hekurudhore kanë qenë të shpeshta kohët e fundit, kryesisht për shkak dëmtimit të infrastrukturës, ndërsa qarkullojnë vetëm pak trena pasagjerësh ose mallrash. <br />Për më shumë lexoni në:<br />http://oranews.tv/article/treni-i-linjes-elbasan-durres-del-nga-shinat
