http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Arta Marku është përballur për here te pare me deputetet si prokurore e përgjithshme e përkohshme. Edhe pse fokusi i mbledhjes se komisionit te ligjeve ishte puna e Adriatik Llalles, prokurorja e përkohshme për 3 ore me radhe u gjend para pyetjeve te opozitës për vendimmarrjet e saj duke nisur nga hetimi i ministrave<br /><br /><br /><br />Edi Paloka: ?A ka pasur ministra socialistë të cilët kjo prokurori i përgjonte dhe nëse po kur erdhët ju çfarë është bërë me këto dosje??.<br /><br /><br /><br />Arta Marku: ?Ndërhyrjet e mia në çështje konkrete mi ndalon ligji dhe çështjet që ju pyetët janë të karakterit konkret. Pra, më pyetët për ministra, deputetë; unë nuk kam dijeni për këtë, nuk kam informacion dhe nuk kam detyrim ligjor ta kem një informacion të tillë.?<br /><br /><br /><br />Decentralizimi i prokurorisë ishte argument kryesor i kreut te organit te akuzës për te gjitha pyetjet specifike përfshi edhe rastin e vëllait te ministrit te brendshëm Fatmir Xhafaj.<br /><br /><br /><br />Edi Paloka: ?Si ka mundësi që prokuroria e Tiranës u vu në mes të natës në dispozicion të një trafikanti të dënuar droge siç ishte Agron Xhafaj dhe brenda 24 orëve për veprën penale të kallëzimit të rremë u ngrit e gjitha në këmbë??<br /><br /><br /><br />Arta Marku: ?Prokurori i përgjithshëm nuk ka asnjë tagër të ndërhyjë në një hetim konkret apo të japë urdhra apo udhëzime për çështje konkrete.?<br /><br /><br /><br />Opozita akuzoi Markun se ka shkelur ligjin me lëvizjet ne prokurori, por prokurorja është mbrojtur duke theksuar se ka bere vetëm emërime e shkarkime te përkohshme.<br /><br /><br /><br />Edi Paloka: ?Mbi ç?bazë janë bërë emërimet dhe shkarkimet e drejtuesve të prokurorisë? Opozita në fakt e paralajmëroi që kur shkuat në atë karrige se e vetmja arsye pse po shkonit ishte largimi i prokurorëve që kishin çështje djegëse për ministrat dhe funksionarët e PS.?<br /><br /><br /><br />Arta Marku: ?ju sqaroj se çdo vendimmarrje e imja kontrollohet nga Gjykata dhe kushdo që nuk është dakord ka pasur të drejtë të ankohet në gjykatë ashtu siç dhe ka ndodhur në fakt vendimet e gjykatës kanë qenë në favor të vendimmarrjes sime.?<br /><br /><br /><br />Mbledhja e ligjeve u tensionua pasi opozita ishte e pakënaqur me përgjigjet e kryeprokurores te zgjedhur sipas tyre ne shkelje te ligjit e qe i ka shërbyer kryeministrit Rama.<br /><br /><br /><br />Mes debateve mbledhja u mbyll e tashme pritet qe komisioni te hartoje një rezolute me rekomandime qe prokuroria duhet ti ketë parasysh gjate punës se saj.
