Në 5 muajt e parë të vitit pushteti vendor ka mbledhur 15 milionë dollarë më pak se sa planifikohej nga Taksa e Pronës. Sipas të dhënave të publikuara nga Ministria e Financave, me buxhetin e vitit 2018, të ardhurat për periudhën Janar-Maj parashikohej të ishin 37 milionë dollarë, por në fakt janë arritur të mblidhen vetëm 22 milionë dollarë.<br /><br />Të ardhurat nga kjo taksë janë më të ulëta edhe se një vit më para, kur nuk ishte miratuar metodologjia e re, e cila rriste të ardhurat nga ky zë që shkon të buxheti i bashkive. Në krahasim me vitin 2017, 3.3 milionë dollarë të ardhura që nuk janë mbledhur nga taksa e pasurisë.<br /><br />Shkak për rënien drastike të parave që mblidhen nga kjo taksë është bërë shtyrja e afatit për të zbatuar metodologjinë e re të taksës së banesave nga ana e bashkive. Sipas kësaj llogarie, qytetarët duhet të paguanin 0.05% të vlerës reale të ndërtesës e jo çmim referencial në bazë të metrave katrorë që zbatohej sot.<br /><br />Burime për Televizionin Klan thonë se metodologjia e re në bazë të vlerës së taksës do të nisë të zbatohet në janar të 2019, ku diferenca që nuk është duke u paguar sot nga qytetarët do të përpjestohet në fatura vitin e ardhshëm.<br /><br />Tv Klan
