Ja vlen ta vizitoni. Është një mrekulli natyrore që rezervon të papritura, natyrë të egër, lumenj që rrjedhin mes shkëmbinjve dhe fshatra si në përralla.<br /><br />Një ftesë joshëse kjo për të eksploruar jugun e vendit tonë, dhe është bërë nga e përditshmja italiane ?Corriere della Sera?. Në një artikull të detajuar ajo përshkuan jugun përtej detit, plazheve dhe gjireve.<br /><br />Ajo fton turistët të gërmojnë bukuritë e fshehura të vendit tonë, nga Tirana në Berat, dëshmi e një bashkëjetese të lashtë paqësore midis kulturave dhe feve të ndryshme.<br /><br />Përveç qytetit të beratit, tashmë pjesë e trashëgimisë botërore nga UNESCO, gazeta sugjeron burimet termale të Përmetit.<br /><br />Në reportazh përshkruhen me detaje bukuritë e Gjirokastrës, më pak se 30 kilometra nga kufiri me Greqinë. Muze, dyqane dhe restorante nga kohë të tjera.<br /><br />Një tjetër kënaqësi që të ofron udhëtimi në jug është ushqimi; mish qingji ose viçi, byrekë të ndryshëm, djathëra dhe sallata.
