Subscribe në Ora News këtu http://bit.ly/1s5j7UT<br /><br />Vendimi i Këshillit të Ministrave për sigurinë në plazhe nuk po gjen zbatim në Durrës. Në 3.5 kilometra gjatësi të vijës bregdetare nga Ura e Dajlanit deri në Plepa, i konsideruar plazhi tradicional mungojnë rojet bregdetare.<br /><br />Në këtë gjatësi të plazhit duhet të ishin ngritur 18 kulla vrojtimi me 200 metra distancë njëra nga tjera, por një vëzhgim i Ora News tregon se fakt janë ngritur vetëm tre apo katër të tilla.<br /><br />Aty ku kullat janë ngritur, nuk gjen vrojtues por fëmijë që luajnë.<br /><br />Për pushuesit kjo do të thotë pasiguri, sidomos për më të vegjlit.<br /><br />Mungesën e sigurisë në plazhe e pranon edhe prefekti i Qarkut Durrës, Roland Nasto, njëherësh edhe drejtues i task-forcës për turizmin.<br /><br />Ai thotë se kontrollet kanë evidentuar mungesë të rojeve bregdetare dhe pikave të tjera të 10 kushteteve të sigurisë në plazhe.<br /><br />Roland Nasto: Në bashkëpunim me bashkinë dhe policinë bashkiake po marrim masa për të përmirësuar gjendjen dhe për të kaluar në ato kushte që duhet të kenë pushuesit në plazhe.<br /><br />Mungesa e rojeve të sigurisë pranohet nga kryetari i Shoqatës së Hoteleri Turizmit, Eduart Xhepa, çështje që sipas tij kërkon impenjimin privatëve dhe shtetit për zgjidhje.<br /><br />Eduart Xhepa: Kjo është një gjë shumë delikate dhe kërkon impenjim dhe nga operatorët turistik dhe nga shteti.<br /><br />Katër persona kanë humbur jetën gjatë këtij sezoni turistik në Durrës, ndërsa disa të tjerë kanë rrezikuar të mbyten në ngjarje që lidhen edhe me mungesën e rojeve bregdetare.<br /><br />Pak ditë më parë, Ministri i Turizmit u kërkoi kryebashkiakëve të marrin masa për sigurinë në plazhe, ndërsa Ora News ka mësuar se task-forca e bashkisë së Durrësit do të zbresë në terren më 20 korrik, për ti hequr lejën subjekteve që nuk kanë plotësuar standardet.<br /><br />Për më shumë lexoni në:<br />http://oranews.tv/article/rojet-bregdetare-vendimi-i-qeverise-nuk-po-gjen-zbatim-ne-durres
