http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Krimi i dyfishtë tronditi Shkodrën e kësaj here shënjestër ishin një ish efektiv policie dhe bashkëjetuesja e tij.<br /><br /><br /><br />Boran Bërçana dhe Silvi Ndoci u ekzekutuan mëngjesin e kësaj të diele brenda automjetit të tyre fare pranë shtëpisë në sy të djalit 2 vjeçar. Fatmirësisht fëmija i mitur u gjet i pa prekur ndonëse në vendngjarje policia mblodhi mbi 20 gëzhoja.<br /><br /><br /><br />Sipas hetuesve Boran Bërcana, 30 vjeç, ish-punonjës i Policisë së Shtetit në Pukë ishte larguar nga uniformat blu pak para nisje së vetingut ndërsa bashkëjetuesja e tij ka qenë më parë e martuar por ishte ndarë.<br /><br /><br /><br />Viktimat u gjetën nga banorët në orën 6 të mëngjesit në vendin e quajtur Rruga e gjere ne lagjen Naim Gjylbegu të Shkodrës. Hetuesit dyshojnë se ccdo lëvizje 30 dhe 24 vjecares ka qenë e kontrolluar deri në shtëpinë e tyre.<br /><br /><br /><br />Mësohet se Berçana dhe Ndoci ktheheshin nga një darkë e para se të dilnin nga automjeti u qëlluan me breshëri automatiku. Për fat të mirë, foshnja që ndodhej në vendin e pasagjerit përpara, në prehrin e gruas së vrarë, shpëtoi nga plumbat dhe u dërgua në spital ku ndodhet nën kujdesin e mjekëve.<br /><br /><br /><br />Sipas ekspertëve të policisë , autorët dyshohet të jenë të paktën dy persona, ndërsa bëhet fjalë për një krim të kryer nga profesionistë të cilët kanë zhdukur cdo gjurmë apo dëshmitar.
