<b>يا بلادنا <br />كلمات: زكي ناصيف <br />ألحان: زكي ناصيف <br />يا بلادنا مهما نسينا بربوعك نحنا ربينا <br />كل حبة من ترابك قلب ولهفة أم تنادينا <br />كل نسمة من ربوعك عيد ولهفة قلب وحب جديد <br />وكم شجرة بتلولح إيد بتسألنا وبتحينا <br />يا دروبنا اللي مشيناها بقلب الصخر حفرناها <br />يا دروبنا اللي مشيناها ورد وفل فرشناها <br />وقلوبنا اللي بذرناها وسهرنا نطرناها <br />وحقولنا اللي زرعناها وبالدمعات غمرناها <br />ودروب الخير دروبنا وقلوب كتيرة قلوبنا <br />ودروبنا ع شفاف الورد، ملوى الكون طيوبنا <br />انت لنا عز وغنى يا بلادنا انت لنا <br />انت لنا شعر وغنى يا بلادنا انت لنا <br />نغني للمي تحيينا، نغني للفي تحمينا <br />نغني هالارض تعطينا وخير الدنيا تكفينا <br />فرحنا كتير والقرايب تحلا افراحن سوا <br />ويش يصير يا حبايب لو فرحنا سوا <br />الشوق كبير يا حبايب ما النا صبور ع النوى <br />ويش يصير يا حبايب لو فرحنا سوا <br />يا هلا... طلوا نجوم عم بيهلوا <br />بالحلى ذابوا وحلوا نغمشات الهوى <br />يا هلا... <br />كل نسمة من ربوعك روح بتنعش قلب بتشفي جروح <br />كل بسمة بالحب تبوح تفرحنا وتهنينا <br />يا بلادنا إن نحنا غبنا عن عينك واتغربنا <br />أشواقنا بتغالبنا و ع حدودك بتقربنا <br />يا بلادنا إن نحنا غبنا وفوتنا بمراكبنا <br />ع دروب مجدك تقرببنا و شرعنا بمواكبنا <br />ودروب المجد دروبنا وقلوب كبيرة قلوبنا <br />....انت لنا طول المدى يا بلادنا</b>
