Pavarësisht angazhimit të ri si drejtor i QKKF, Erion Isai thotë se projektet e tij me aktorin Bes Kallaku do të vazhdojnë dhe se nuk ka ndërmend të ndahet nga miku i tij i ngushtë. I ftuar në emisionin Rreze Dielli në Report Tv mëngjesin e sotëm ai është shprehur se bashkëpunimin me Besin nuk do ta ndërpresë dhe dyshja do të rikthehet shumë shpejt me një projekt të ri.<br /><br />Do kemi lajm shumë shpejt në këtë aspekt. Angazhimin tonë nuk do ta ndërpresim, se si do të jetë ky angazhim do ta themi shumë shpejt.<br /><br />Erion Isai, drejtor i përgjithshëm i QKKF<br />I pyetur nëse do të jenë sërish bashkë , drejtori i QKKF, Erion Isai, i përgjigjet shkurt ? Po, Besi është miku im më i veçantë.?<br /><br />Erion Isain që të gjithë e njohim kryesisht për batutat në shfaqjen e humorit ?Portokalli?, ka vetëm pak javë që është në krye të Qendrës Kombëtare të Kulturës për fëmijë.<br /><br />Ndër të tjera , përgjatë emisionit Isai ka thënë gjithashtu se tashmë Teatri i Kukullave do të ketë një ndryshim radikal duke sjellë projekte e shfaqje të reja. Përgjatë këtij muaji Teatri i Kukullave është duke zhvilluar edhe një tur veror me shfaqje për fëmijë në të gjithë Shqipërinë duke dashur të shkojë sa më afër fëmijëve edhe në periudha pushimesh.
