Subscribe në Ora News këtu http://bit.ly/1s5j7UT<br /><br />Fadil Hasa, aktori i njohur i humorit që u dha jetë dhjetra roleve dhe bëri të qeshin disa breza ardashësish, ndërroi jetë këtë të hënë në moshën 78 vjeçare. Artisti i Merituar durrsak, humbi betejën me një sëmundje të rëndë në mushkëri, duke lënë pas hidhërim mes familjarëve, miqve dhe qytetarëvë që bëri të qeshnin me batutat e tij në skenë e televizion. Homazhet në nder të aktorit mbahen nesër nga ora 10 deri në 11 në hollin e Teatrit të Durrësit.<br /><br />Humori është në zi, pasi humbi një tjetër prej më të mirëve.<br /><br />Fadil Hasa, ndërroi jetë në moshën 78 vjeçare pas një beteje me një sëmundje të rëndë në mushkëri.<br /><br />Aktori mbylli sytë në banesën e tij, duke lënë pas dy vajza dhe hidhërim mes miqve, kolegëve por edhe të atyre që qeshën me batutat e tij.<br /><br />Muharrem Hoxha, koleg në skenë e mik në jetë do ta takonte për kafen e zakonshme këtë të hënë në orën 11:00, ndaj mes lotësh pranon se telefonata se Fadili nuk rron më, e ka tronditur.<br /><br />Fadil Hasa e shfaqi talentin fillimisht me estradën amatore të Durrësit dhe në vitin 1970 u pjesë e trupës profesioniste, me të cilën ngjiti në skenë dhjetra e dhjetra shfaqe dhe u dha jetë qindra roleve, për të cilat do të mbahet mend.<br /><br />Të paharrueshme mbeten rolet e tij në pjesët ?Dajrja?, ?Sheqeri?, Tekniku i lavatriçes?, por edhe rolet në filmat "Zëvendësi i grave", ?Kronikë provinciale? dhe "Mao Ce Dun?.<br /><br />Homazhet për Fadil Hasën do të mbahen të martën nga ora 10 deri në 11 në hollin e Teatrit "Aleksandër Moisiu" në Durrës, ku personazhet që ai u dha jetë janë bërë pjesë e historisë së humorit jo vetëm të qytetit bregdetar.<br /><br />Fadil Hasa kishte lindur në vitin 1940 dhe mbante titullin ?Artist i Merituar?.<br /><br />Ai ishte vlerësuar 4 herë titullin ?Artisti më i mirë? dhe çmime të tjera të rëndësishme, duke e vënë emrin e tij në panteonin e të artëve të estradës shqiptare.<br /><br />Për më shumë lexoni në:<br />http://oranews.tv/article/shuhet-aktori-i-mirenjohur-i-humorit-fadil-hasa
