Çështja e truallit të Teatrit Kombëtar ka ndezur sërish debatin politik në komisionin parlamentar të medias, ku ishte thirrur në një seancë dëgjimore kreu i hipotekës Valdrin Pjetri.<br /><br />Opozita kërkoi informacion nga kryeregjistruesi për sipërfaqen aktuale të pronës ku ndodhet Teatri Kombëtar, ndryshimet që ka pësuar ndër vite, mënyrën e tjetërsimit të pronave rreth saj dhe pronarët kufitarë me godinën e Teatrit.<br /><br /> ?Ju kemi kërkuar: E para, hartën e zonës që ju nuk na e keni vënë në dispozicion megjithëse ka qenë e cilësuar edhe me ?Bold?. Hartën ju nuk e keni sjellë, hartën e pronësisë. Sa metra katror ka Fusha sh.p.k. dhe sa kanë pronarët e sa bashkia??, pyeti Kryetarja e Komisionit nga radhët e PD, Albana Vokshi.<br /><br />Por të dhënat për tokën private sipas kryeregjistruesit nuk mund t?i viheshin në dispozicion Kuvendit pasi ishte shkelje e Kushtetutës.<br /><br />?Zyra mund të japë informacion vetëm për truallin me pronar shtetin. Për të tjerat, askush s?mund të nxjerrë informacion?, tha Pjetri.<br /><br />Ndërsa Albana Vokshi u përgjigj: ?Ju refuzoni që t?i jepni Kuvendit, në shkelje kushtetuese dhe në shkelje të ligjit, jam e sigurt me urdhër nga lart ju po refuzoni përsëri të jepni informacionin që ju kemi kërkuar. Cila dispozitë ligjore ju ndalon ju të sillni këtu një informacion??<br /><br />Valdrin Pjetri: ?Nuk e lejon Kushtetuta dhe as ligji për të dhëna personale. Mbrohen nga ligji për të dhënat personale. Nëse ata japin pëlqimin informacioni jepet.?<br /><br />Ky argument i kryeregjistruesit Pjetri mjaftoi që kryetarja e Komisionit të medias ta deklarojë të mbyllur mbledhjen.<br /><br />?Ju refuzoni, e deklaroj mbledhjen e mbyllur.Qeveria nuk do të bëjë transparencë...?, tha Vokshi.<br /><br />Pas ikjes së opozitës, maxhoranca e vijoi e vetme mbledhjen, ndonëse pa kuorumin e mjaftueshëm të deputeteve.<br /><br />Tv Klan
