Subscribe në Ora News këtu http://bit.ly/1s5j7UT<br />Sikundër edhe pritet, Komisioni i Pavarur i Kualifikimit vendosi sot shkarkimin nga detyra të gjyqtarit të Gjykatës së Lartë, Admir Thanza.<br /><br />Thanza ishte dënuar në Itali për vjedhje me dhunë por kjo nuk e ka penguar të jetë në piramidën më të lartë të sistemit të drejtësisë; Gjykatën e Lartë, Gjykatën Kushtetuese apo dhe Këshillin e Lartë të Drejtësisë.<br /><br />Ngjarja ka ndodhur në vitin 1999, ku Thanza madje ishte dhe gjyqtar në Gjykatën e Shkodrës, por ky informacion që do ti kushtonte karrierën as nuk është deklaruar nga vetë gjyqtari, madje nuk është konstatuar nga asnjë institucion shqiptar që kryente verifikimin për pastërtinë e figurës dhe dekriminalizimin.<br /><br />Madje kjo gjë do të vazhdonte të qëndronte e fshehur në rast se ekspertët e Operacionit Ndërkombëtar të Monitorimit nuk do ta kishin zbuluar dhe kjo e dhënë në kufijtë e një skandali nuk do të deklarohej në seancën dëgjimore të 10 korrikut për anëtarin e Gjykatës së Lartë.<br /><br />Vetë gjyqtari nuk e mohoi faktin e ekzistencës së këtij dënimi për të cilin tha se ishte vepër që nuk e kishte konsumuar ai por një familjar i tij por që ai e kishte marrë përsipër për humanizëm.<br /><br />Ai deklaroi para trupës së KPK se e ka pranuar dënimin për të shpëtuar jetën e nipit të tij.<br /><br />Thanza deklaroi se e ka marrë përsipër një dënim të kunatës e cila kishte kryer një vjedhje vetëm që nipi i tij 9 vjeçar të kurohej në Itali, ndërsa ka shpërthyer në lot para trupës gjykuese.<br /><br />Por kjo ishe vetëm njëra nga shkeljet që KPK ka konstatuar për anëtarin e Gjykatës së Lartë.<br /><br />Relatori, Lulzim Hamitaj, tha se në lidhje me pasurinë, gjyqtari rezulton se ka bërë deklarim të rremë, ka fshehje të pasurisë dhe nuk ka burime të ligjshme që e justifikojnë pasurinë e tij.<br /><br />Probleme janë konstatuar dhe me integritetin e gjyqtarit. DSIK ka konstatuar se Thanza ka fshehur procedimin penal të nisur nga Prokuroria e Përgjithshme për korrupsion, i cili është pushuar në 2016 dhe ka kontakte të papërshtashme me krimin e organizuar.<br /><br />Ndërkohë Prokuroria e Përgjithshme ka nisur hetimin kryesisht për gjyqtarin e Gjykatës së Lartë, Admir Thanza. Gjyqtari do të hetohet për falsifikim të formularëve të vetëdeklarimit.<br />Për më shumë lexoni në:<br />http://oranews.tv/article/nuk-deklaroi-denimin-kpk-shkarkon-nga-detyra-gjyqtarin-thanza
