Socialistët janë të bindur se në Shtator do të përmbyllin me sukses përfshirjen e rekomandimeve të OSBE-ODIHR-it në dokumentin e Reformës Zgjedhore. Këtë çështje kreu i grupit parlamentar socialist, Taulant Balla e ndau në një takim që pati drejtuesin e socialdemokrat në Asamblenë e Këshillit të Europës, Frank Schëabe.<br /><br />"Janë kuadri dhe shinat mbi të cilat ne duhet të përmbyllim brenda fillim vjeshtës së këtij viti miratimin në Kuvend të këtyre rekomandimeve në kuadër të Reformës Zgjedhore".<br /><br />Deputeti gjerman vlerësoi arritjet e Reformës në Drejtësi, ndërsa Taulant Balla u shfaq optimist se me këto ritme do të tejkalohet ngërçi i krijuar në disa institucione.<br /><br />"Në Shqipëri shikoj progres, shikoj rezultatet e Reformës në Drejtësi dhe dua të jap mesazhin se duhet të vazhdohet në drejtim të konsolidimit të Reformës në Drejtësi dhe të shohim përpara në lidhje me integrimin e Shqipërisë në BE", tha deputeti gjerman.<br /><br />"Procesi i vettingut po ecën me ritme shumë të mira dhe në një kohë të shkurtër institucionet e reja të drejtësisë do të jenë funksionale", u shpreh Balla.<br /><br />Deputeti gjerman tha më tej se në vizitën 24 orëshe që zhvilloi në Tiranë diskutoi mbi çështje që kanë të bëjnë me forcimin e demokracisë, shtetit të së drejtës dhe të drejtat e njeriut.<br /><br />Tv Klan
