Subscribe në Ora News këtu http://bit.ly/1s5j7UT<br /><br />Komisioneri për zgjerim në BE, Johanes Hahn garantoi se nuk ka asnjë kusht të ri për hapjen e negociatave për Shqipërinë. Ky proces tha Hahn bëhet dhe do të bëhet me çdo vend kandidat për në BE.<br /><br />Ai bëri thirrje që institucionet mos humbasin asnjë ditë. "Njerëzit janë me pushime, por jo institucionet" u shpreh Hahn në konferencë me Ramën.<br /><br />Hahn: Nuk po fusim asnjë kusht të ri, ajo që po bëjmë është një proces i cili është zhvilluar në çdo vend tjetër kandidat. Sepse në fillim të këtij procesi na duhet të identifikojmë ku qendron vendi në legjislacionin e vet krahasuar me legjislacionin europian<br /><br />Vettingu psh, ishte një element thelbësor me rëndësi në kuadër të fushës të së drejtës. Por është një pjesë e mozaikut. Ajo që po bëjmë është të kryejmë një proces gjithëpërfshirës se ku qëndron vendi.<br /><br />Kjo është arsye që e theksoj se sa më e mirë të jetë cilësia e këtij procesi analitik, sa më shumë të paraprihet dhe të bëhet, do të jetë më mirë për nisjen e negociatave për secilin kapitull. Është një gjë që duhet bërë me çdo vend. Nuk është një qasje e posaçme. Mos humbni asnjë ditë, nisin sa më parë të jetë e mundur. Njerëzit janë me pushime, por jo institucionet.<br /><br />Ndërsa kryeministri Rama u shpreh i bindur se në qershor të 2019 do të hapen negociatat. <br /><br />Rama: Komisioni është objektiviteti teknik, Këshilli Europian është subjektiviteti politik. Bashkimi i këtyre të dyjave ka ndodhur dhe është shkuar e zeza mbi të bardhë që Shqipëria dhe Maqedonia në qershor do të çelin negociatat dhe pastaj do të vazhdojmë më tutje. <br /><br />Për më shumë lexoni në: http://oranews.tv/article/hahn-nuk-ka-kushte-te-reja-mos-humbni-asnje-dite
