Subscribe në Ora News këtu http://bit.ly/1s5j7UT<br /><br />Ministri i Jashtëm, Ditmir Bushati, ka sqaruar çështjen e piramidave në kufirin mes Shqipërisë dhe Greqisë, duke deklaruar se nuk ka marrëveshje për ndryshim kufijsh por për një proces teknik për mirëmbajtjen e tyre.<br /><br />Pyetje: Piramidat, mirëmbajtje apo përcaktim i ri kufijsh?<br /><br />Bushati: Kemi një draftmarrëveshje në diskutim sa i përket kufizimit të zonave detare dhe kemi dy propjektmarrëveshje në diskutim për piramidat dhe menaxhimin e incidenteve kufitare.Me tre projektmarrëveshjet e mbyllim të gjithë çështjen që është në diskutim sa i përket detit dhe tokës.<br /><br />Kryediplomati shqiptar tha se presidenti Meta e ka dhënë autorizimin dhe se me dosjen voluminoze po merren ekspertët.<br /><br />Bushati: Është një komunikim institucional, jemi përpjekur për të shkuar përtej detyrimeve që përcakton ligji dhe besoj se do të vijojë i tillë deri në fund të procesi. Nuk ka asnjë arsye për protagonizëm apo bllokim sa i përket këtij procesi ku ne të gjithë duhet ta konsiderojmë veten pjesë të një ekipi. Shteti shqiptar funksionon mbi bazën e disa rregullave , mbi bazën e ligjit. Presidenti për çështjen e marrëveshjes për kufizimin e zonave detare ka lëshuar një autorizim për Ministrin e Jashtëm, Ministri i Jashtëm ka përgatitur aktin e plotfuqisë dhe delegacioni shtetëror përfaqëson mendimet e Republikës së Shqipërisë. Është krej normale që në një grup të madh siç është grupi i ekspertëve shqiptarë të ketë diskutime, ka një dosje super voluminoze në Ministrinë e Europës dhe Punëve të Jashtme, mbi 1000 faqe që është produkt i ekspertëve. Për çështje të ndryshme ka pasur gjithmonë opsione nga më të ndryshme. Por ju garantoj që në tryezën e bisedimeve, jo për këtë proces por për çdo proces tjetër të ngjashëm, Shqipëria flet me një zë siç imponon ligji.<br /><br />Sipas Ministrit, Partia Demokratike po dizinformon publikun duke iu referuar deklaratave për Çamërinë dhe pikave të naftës në det.<br /><br />Për më shumë lexoni në: http://www.oranews.tv/article/negociatat-me-greqine-bushati-sqaron-piramidat-ne-kufirin-mes-dy-vendeve
