http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Pavarësisht përplasjeve e akuzave te ndërsjella mazhoranca e opozita janë bere bashke ne përurimin e bustit të ish-kryeparlamentarit Pjetër Arbnori.<br /><br /><br /><br />Të djathtët ishin të gjithë atje. Edhe ish-kryetarja e Kuvendit Jozefina Topalli, por që shmangu takimin qoftë edhe formal me kreun aktual të PD-së Lulzim Basha.<br /><br /><br /><br />E nëse për pak minuta, për hir të ceremonisë palët kaluan moment paqeje, në seancën plenare përballja politike u rizgjua menjëherë. Konflikti politik beri që as në seancën e parafundit të këtij sesioni parlamentar të mos votohej projektligji për statusin e gjykatësve dhe prokurorëve. Opozita kërkoi si kusht rivotimin e ligjit për ndërtimin e teatrit.<br /><br /><br /><br />E pas qëndrimit, opozita u largua. Ndërkohë që socialisti Taulant Balla, në pamundësi të votimit të ligjit për magjistraturën, por edhe të ndryshimeve në Kodin Rrugor, për shkak të nevojës së votave të opozitës, kërkoi shtyrjen.<br /><br /><br /><br />Të hënën e ardhshme është mundësia e fundit që Parlamenti të votojë ligjin për magjistraturën, në mënyrë që të plotësohen vendet e lëna bosh në sistemin e drejtësisë, pas shkarkimit të gjykatësve dhe prokurorëve nga vetingu.
