Dhunohet përpara Gjykatës së Durrësit avokati i njohur, Ilia Ilia. Avokati sapo kishte dalë nga një seancë gjyqësore, kur te dera e Gjykatës është kapur nga dy persona me të cilët është konfrontuar fizikisht. Gjendja e tij shëndetësore është e qëndrueshme dhe pse ka marrë lëndime në pjesët e fytyrës. <br /><br />Kam dalë nga seanca gjyqësore e Gjykatës së durrësit rreth orës 10:30 dhe po ikja nga Prokuroria. Më del një person përpara dhe më thotë ti je ai që i ke bërë karshillëk prokurorit Arjan Ndoja dje në seancë gjyqësore, ke bërë të fortin. I thash kush je ti, ai më ofendoi, i ktheva të njëjtën përgjigje. Jam goditur nga ky dhe personi tjetër që erdhi. Dje në seancë gjyqësore më kanosi prokurori.<br /><br />Ilia Ilia, avokat<br />'Do pendohesh për këto që thatë'/ Avokati për Report Tv: Prokurori Arjan Ndoja më kërcënoi në gjyq<br />Ndërkohë, korrespondenti i Report Tv në Durrës, Artur Korriku, ka zhvilluar një bisedë me avokatin nga ambientet e spitalit ku ai po merr trajtim mjekësor dhe e ka pyetur nëse dyshon për persona të caktuar lidhur me këtë ngjarje. Ilia ka theksuar se një ditë më parë ka pasur një seancë gjyqësore ku ka qenë prokuror Arjan Ndoja.<br /><br />Ilia hotë se me këtë të fundit ka pasur një debat. Në replika e sipër, zbulon Ilia, prokurori i ka është drejtuar me fjalët: "Do bëhesh pishman për këto që the". Ilia aludon se personat që e goditën janë futur nga Arjan Ndoja.<br /><br />Përkundër reagimeve jo profesionale të prokurorit të çështjes, i ktheva një përgjigje që unë nuk jam katundar si ti. Ai mu përgjigj se për këtë fjalë sot do pendohesh shumë shpejt. Njëri ka qenë shoqërues i Arjan Ndojës, banda që ky ka lidhje si prokuror vodhi prokurorinë e Durrësit, ata që rrahën libanezin për tokën atje. është po ky grupim që hetohej nga prokuroria e Durrësit. <br /><br />Ilia Ilia, avokat
