Konsumimi i produktetve ushqimore që shiten nga tregtarët ambulantë mbetet ende një sfidë si për pushuesit ashtu edhe për institucionet që duhet t?i kontrollojnë ato. Edhe pse turistët e dinë rrezikun që vjen nga produktet që tregtohen jashtë kushteve, sërish puna e tregtarëve përgjatë bregut vijon të mbetet ende një biznes që funksion prejt vitesh.<br /><br />Shitësit ambulantë, prej shumë vitesh, vijojnë të mbeten pjesë e pushimeve në bregdet në vendin tonë. Edhe në Durrës vërhet mjaft qartë ky fenomen në çdo cep të plazhit.<br /><br />Produktet që tregtarët ambulantë ju ofrojnë pushuesve janë të pakontrolluara dhe jashtë çdo standardi, duke u kthyer edhe në kërcënim për shëndetin e tyre.<br /><br />Akulloret, brumërat si dhe shumë produkte të tjera që duhet të ruhen në temperatura të posaçme, tregtohen në mes të vapës dhe jashtë çdo kushti higjeno-sanitar.<br /><br />Pavarësisht dijenisë për kushtet në të cilat tregtohen janë të shumtë ata që i blejnë këto produkte, por ka edhe nga ata pushues që nuk blejnë nga tregtarët ambulantë pasi mungon siguria ushqimore. <br />Autoriteti Kombëtar i Ushqimit kontrollon vazhdimisht restorantet apo edhe aktivitete e tjera që shërbejnë për pushuesit në zonat turistike, por ende nuk ka arritur të frenojë tregtarët ambulantë përgjatë brezit të rërës.<br /><br />Në këto kushte, pushuesit duhet të kujdesen vetë për shëndetin e tyre, teksa vendosin të konsumojnë apo jo produktet që shiten pa asnjë nga tregtarët ambulantë.<br />Për më shumë lexoni në:<br />http://oranews.tv/article/tregtaret-ambulante-ne-plazhet-e-durresit-pushuesit-e-pasigurt
