Një djalë rus u shndërrua në një ‘vampir kanibal’ pasi lexoi shumë rreth riteve të vrasësve serialë në internet, u tha në gjykatë.<br /><br />Olga Budunova, 45 vjeçare, u vra brutalisht nga i dashuri i saj Dmitry Luchin, 21 vjeç, duke e goditur me një shishe vere në kokë 25 herë para se të copëtonte trupin e saj me një hanxhar.<br /><br />Ai më pas i poqi trurin, e hëngri atë ndërkohë që pinte gjakun e saj dhe i nxori nga trupi organet e brendshme, shkruan The Sun.<br /><br />Gjykata dëgjoi se ish rekruti i ushtrisë Luchin ishte në gjendje mendore për të zhvilluar seancën gjyqësore.<br /><br />Ai ka planifikuar me kujdes vrasjen kanibalistike, pasi u obsesionua nga leximet e shpeshta në internet rreth vrasësve serialë, pretendon prokurori.<br /><br />Maniaku pranoi para policisë se ai ndjente kënaqësi seksuale nga sulmi.<br /><br />Ai kishte ‘inteligjencën e një filozofi’ dhe i tha policisë se e kreu vrasjen për ‘t’u frymëzuar që të shkruante poezi’.<br /><br />Vrasja groteske ndodhi kur ai ishte në apartamentin e viktimës, në Valdai për një mbrëmje romantike për të festuar Ditën Ndërkombëtare të Grave, një festë zyrtare në Rusi.<br /><br />Luchin u tha policëve: “Më pëlqente shija e trurit të saj. Më pas shijova gjakun në gotë.”<br /><br />Prokurorja Olga Bondarenko tha se Luchin “Ka kopjuar veprimet e një vrasësi serial” për të cilin ka lexuar në rrjet.<br /><br />Kjo e ktheu atë në një vrasës dhe kanibal.<br /><br />Luchin ka kërkuar që seanca gjyqësore të zhvillohet me dyer të mbyllura, por gjykata e ka refuzuar një gjë të tillë.<br /><br />Luchin përballet tani me burgim të përjetshëm nëse dënohet për vrasje dhe përdhosje të viktimës.(Oranews)
