Subscribe në Ora News këtu http://bit.ly/1s5j7UT<br />Komisioni i Pavarur i Kualifikimit shkarkon nga detyra prokurorin e Prokurorise se Tiranes, Arben Nela.<br /><br />Trupa gjykuese përbëhej nga Etleda Çiftja, Xhensila Pine dhe Valbona Sanxhaktari, teksa i pranishëm në seancë ishte vetë prokurori, pa avokat mbrojtës.<br /><br />Gjatë seancës dëgjimore, KPK tha se prokurori kishte bërë fshehje të pasurisë dhe nuk ka burime të ligjshme.<br /><br />Deri sot, Arben Nela mbante postin e prokurorit dhe zv/drejtuesit në Prokurorinë e Tiranës si dhe ishte kandidat për KLP-në.<br /><br />Fshehje pasurie? <br /><br />Kontrolli për prokurorin Arbën Nela bëhet vetëm për kriterin e pasurisë. ILDKPKI ka deklaruar që Arben Nela ka kryer fshehje të pasurisë dhe nuk ka burime të ligjshme. <br /><br /> Sipas relatorit nga hetimi u konstatua se ka mospërputhje deklarimesh për burimin e të ardhurave. Edhe ILDKPKI ka deklaruar që Arben Nela ka kryer fshehje të pasurisë dhe nuk ka burime të ligjshme. <br /><br />Arben Nela ka deklaruar një apartament 99 m 2 që e ka blerë në shumën 42 mijë euro me të ardhurat nga paga e tij dhe bashkëshortes dhe një huamarrje prej 25 mijë euro nga motra e bashkëshortes.<br /><br /> KPK thotë se blerja nuk është deklaruar në kohën e duhur dhe nuk është e qartë si është marrë dhe si është kthyer kjo shumë. <br /><br />Po kështu ka paqartësi për një banesë me 136 metra katrorë në Lanabregas të Tiranës. Nela ka deklaruar se kjo banesë është ndërtuar nga prindërit e tij, por hetimi konstatoi se për truallin e kësaj banese ka mospërputhje deklarimesh si dhe ka mungesë të të ardhurave të ligjshme për blerjen e truallit. Po kështu ka mungesë të burimeve ligjore të të ardhurave nga vëllezërit për ndërtimin e katit të dytë dhe tretë të kësaj ndërtese.<br /><br />Nga ana e saj bashkëshortja ka deklaruar një apartament të vet 66 metra katror e blerë me hua nga motra dhe të ardhurat e saj.<br /><br />Vetë prokurori e mohoi të ketë kryer fshehje të pasurisë.<br /><br />"I kam deklaruar saktësisht pasuritë, nuk kam kryer fshehje të tyre. Kam të ardhura të ligjshme për pasurinë. Nuk është evidentuar asnjë rast që kam fshehur pasurinë" <br />Për më shumë lexoni në:<br />http://oranews.tv/article/shkarkohet-prokurori-i-prokurorise-se-tiranes-arben-nela
