Ashtu siç pritej seanca e fundit plenare për këtë sesion parlamentar nuk prodhoi konsensus për amendimet në ligjin për statusin e gjyqtarëve dhe prokurorëve, që i hapin rrugë pranimeve në shkollën e magjistraturës.<br /><br />Kjo u duk që në nisje të seancës plenare ku opozita bojkotoi punimet e kuvendit.<br /><br />Jashtë parlamentit kryetari i Komisionit të Ligjeve, Ulsi Manja hodhi poshtë pretendimet e opozitës për kolaps të sistemit në drejtësi, duke i kujtuar demokratëve se amendimi i bërë në ligj është vendosje e dispozitës tranzitore që mundësonte pranimin e magjistratëve të rinj për vitet akademike 2016-2017 dhe 2017--18.<br /><br />?Është votuar një herë me 84 vota dhe aktualisht duke qenë se dy organet e reja të drejtësisë, KLD dhe KLP janë në krijim e sipër si dy organe të ngarkuara nga Kushtetuta për të bërë emërimin e magjistratëve të rinj dhe përcaktuar kuotat propozimi ynë synon që ta bëjë direkt ligji në një dispozitë tranzitore. Po spekullohet politikisht. Nuk ka kolaps.?<br /><br />Por Lulzim Basha nga selia blu, tha se përmes këtij amendimi në shkelje të kushtetutës maxhoranca po tenton të thellojë kapjen e sistemit të drejtësisë, për të cilin tha se është në kolaps.<br /><br />?Ajo është një shkollë partie...institucion i kapur nga Rama, njerëz të lidhur me një dhe dy brenda PS dhe Partinë e Punës. Arsyeja e kapjes është qe ta ktheje në një kurs partiak dhe synon kapje afatgjate të sistemit...Kurrsesi opozita nuk kthehet në mashë që të legjitimojë kapjen e Shkollës se Magjistraturës në shkolle politike, paanshmëria e shkollës është si Qemal Stafa...?<br /><br />E vetmja mënyrë bashkëpunimi për Lulzim Bashën është rikthimi i reformës në drejtësi në konsensusin e 22 korrikut të 2016-ës. Paketa 8 pikëshe e propozuar nga opozita synon kthimin në ligjshmëri të ngërçit që sipas saj është krijuar me Gjykatën kushtetuese, Prokurorin e Përgjithshëm, ngritjen e KLGJ e KLP si dhe krijimin e BKH e Spakut.<br /><br />?Ti qëndrojmë besnik të konsensusit të 22 Korrikut. Po që kjo rrugë të jetë e zbatueshme duhet qe ata që e kanë sjellë këtu të mbajnë përgjegjësi. Hapi i dytë është të jepen garanci nga PS se çfarëdo procesi për të trajtuar këto çështje s?do sabotohet përsëri. Dhe kjo nuk mund të ndodhe me të njëjtët persona...as Ulsi Manja e as Xhafaj nuk kanë besueshmëri.?<br /><br />Konsensus për amendimin e ligjit të magjistraturës kërkoi pak ditë më parë edhe komisioneri për Zgjerimin Johanes Hahn gjatë vizitës që pati në Tiranë.
