Subscribe në Ora News këtu http://bit.ly/1s5j7UT<br />Gjykata e Fierit dha sot masën e sigurisë "arrest me burg pa afat" për 31 vjeçaren Anna Malaj dhe kushëririn e saj Emiljano Grembi, 22 vjeç, të cilët akuzohen se grabitën një karburant në Levan dhe tentuan të vidhnin dy të tjerë.<br /><br />Gjyqtar i çështjes ishte Piro Sota ndërsa Çlirim Sino prokuror.Sipas avokatit, dy të pandehurit kanë shprehur pendesë në gjykatë.<br /><br />Por ndërsa dy të rinjtë linin gjykatën, ra në sy një gjest i 31 vjeçares, e cila ngriti gishtin e mesit si për të kruar hundën, ndërsa gazetarët e pyesnin nga larg: Anna, ke gjë për të thënë?<br /><br />Malaj dhe Gembi nën kërcënimin e armëve kanë vjedhur një karburant në Levan, ku morën 30 mijë lekë të reja, ngjarje e ndodhur më 2 korrik.<br /><br />Ndërsa më datat 7 dhe 15 korrik, ata tentuan të grabisin të armatosur e të maskuar dy karburante në Mallakastër dhe lagjen '1 Maji' në Fier.<br /><br />Historia bëri bujë, pasi 31 vjeçarja Ana Malaj, është e vetma grua e arrestuar vitet e fundit në vendin tonë për grabitje me armë zjarri.<br /><br />Policia sekuestroi një makinë, një armë gjahu, 4 targa të falsfikuara e doreza që përdoreshin nga dy kushërinjtë grabitës.<br /><br />Ata tashmë akuzohen për veprat penale "Vjedhja me armë", e kryer në bashkëpunim e mbetur në tentativë" dhe "Prodhimi dhe mbajtja pa leje e armëve dhe municionit luftarak".<br />Për më shumë lexoni në:<br />http://oranews.tv/article/masa-e-sigurise-mberrijne-ne-gjykate-grabitesit-e-karburanteve-ne-fier
