Nutricionistja e mirënjohur Diola Dosti Baftiu ka prezantuar sot për herë të parë në publik Gjurmën, vajzën e saj të tretë. E ftuar në emisionin ?Rreze Dielli? për të folur mbi ushqyerjen e shëndetshme, Diola morri në krah foshnjen e saj 2 muajshe ndërsa pranë saj ishin dhe 2 vajzat e tjera më të rritura, Bleza dhe Enia. Ndërsa foli mbi presionin që ende ekziston në shoqërinë shqiptare për të patur një djalë, Diola u shpreh se falenderon Zotin që e ka bekuar me 3 vajzat e se madje nuk mendon për një fëmijë tjetër. <br /><br />Çdo sekondë të jetës sime i jam falenderuese Zotit që mi ka sjellë 3 vajza. Dua gjithashtu të jap një mesazh për të gjithë ata burra dhe familje që insistojnë për të bërë një djalë. E kam këtë pikë të dobët e më dhemb zemra. Edhe im shoq e do një djalë, jo se nuk e do, por është puna që nuk i plotësohet. Në Kosovë është një shprehje që thotë se kur ke qenë shumë qejfli në rini nuk bën çuna. Ndaj i them vjehrrit dhe vjehrrës "Ky ka qenë qejfli, mbajeni , çfarë ti bëj unë". Duhet të jesh e bekuar edhe me djemtë edhe me vajzat që të sjell Zoti. Ka që bëjnë shumë fëmijë dhe i mbysin gratë e shkreta. Thonë edhe " Nuk ka rëndësi gjinia, rëndësi ka djali m'u kon mirë.<br /><br />Diola Dosti Baftiu, nutricioniste<br /><br />Diola thotë me të qeshura madje se për shkak të presionit që ekziston në shoqëri për të pasur një djalë në familje tani nuk i sheh dot as me sy. Ajo thekson se fëmija pavarësisht gjinisë është bekim i Zotit.<br /><br /><br />Ekziston një presion i madh që unë se kam patur se kam patur fatin të jem në një familje intelektualësh , por shoh një influencë të jashtëzakonshme te familjet e tjera, dhe aq shumë presion sa nuk i shoh dot çunat me sy, më fal o Zot. Nuk kam në plan për një fëmijë tjetër , por me kismet.<br /><br />Diola Dosti Baftiu, nutricioniste
