Subscribe në Ora News këtu http://bit.ly/1s5j7UT<br />Gjykata e Fierit caktoi masën e sigurisë "arrest me burg" për 31 vjeçaren Ana Malaj dhe kushëririn e saj Emiljano Grembi, si autorë të grabitjes së tre karburanteve. Në seancë ata shfaqën pendesë, por teksa i drejtohej qelisë, gruaja e parë e arrestuar për grabitje me arme zjarri bëri një gjest fyes para mediave, ndërsa tregoi gishtin e mesit. Në derë të gjykatës së Fierit, nëna e 22 vjeçarit akuzoi mbesën e saj se i mori djalin në qafë.<br /><br />Kjo është Anna Malaj (në foto dhe video), gruaja e parë shqiptare e arrestuar vitet e fundit për tre grabitje me armë zjarri teksa futet në gjykatën e Fierit që e la në qeli deri në përfundim të hetimit.<br /><br />Gjykata dha masën e sigurisë arrest me burg për 31 vjeçaren dhe kushëririn e saj njëherësh bashkëpunëtor, 22 vjeçarin Emiljano Grembi.<br /><br />Në seancën me dyer të mbyllura, Malaj dhe Grembi pranuan fajësinë dhe shfaqën pendesë, por gjyqtari Piro Sotaj vendosi ti lërë në qeli.<br /><br />Gjatë marrjes në pyetje, dy kushërinjtë deklaruan se grabitjen e parë më 2 korrik të këtij viti ku morën 30 mijë lekë në një karburant në Levan e kryen në gjendje të dehur.<br /><br />Ndërsa në dy rastet e tjera përkatësisht më 7 dhe 15 korrik, ku tentuan të grabisin një karburant në Mallakstër dhe një në Fier, thanë se ishin të nxitur nga mungesa e parave. <br /><br />Për grabitjet ata përdornin një makinë me 4 palë targa të falsifikuara, një armë gjahu dhe vepronin të maskuar.<br /><br />Por ndërsa dy të rinjtë njiheshin me masën e sigurisë, në dyert e gjykatës së Fierit, nëna e 22 vjeçarit Emiljano Grembi akuzoi mbesën e saj se i mori në qafë të birin. <br /><br />Fetie Grembi: Djalin ma mori në qafë Anna!<br /><br />Fetie Grembi konfirmoi se mbesa 31 vjeçare ka dy fëmijë, ka jetuar për disa vite në Gjermani dhe është në gjendje të vështirë ekonomike.<br /><br />Pas masës së sigurisë, 31 vjeçarja Malaj bëri një gjest fyes para kamerave në derë të gjykatës së Fierit, duke treguar gishtin e mesit.<br />Për më shumë lexoni në:<br />http://oranews.tv/article/masa-e-sigurise-mberrijne-ne-gjykate-grabitesit-e-karburanteve-ne-fier
