Subscribe në Ora News këtu http://bit.ly/1s5j7UT<br />Rrjeti totalisht i amortizuar dhe ndërhyrjet e vetë banorëve me qëllim vaditjen janë arsyet kryesore të ndotjes së ujit të pijshëm në fshatrat Otllak dhe Orizaj të Beratit<br /><br />Problematikën e ndotjes së ujit të pijshëm e ngritën pesë ditë më parë banorët e dy fshatrave, duke denoncuar në media se uji që vinte në banesat e tyre ishte tepër i ndotur dhe si rezultat i pakonsumeshëm.<br /><br />Drejtori i Ujësjellës-Kanalizimeve Berat-Kuçovë, Refat Arizi tha se zgjidhja përfundimtare e këtij shqetësimi do të jetë zëvendësimi i rrjetit shpërndarës, që pritet të kushtojë rreth 200 milion lek<br /><br />Refat Arizi: "Ky tubacion është rreth 55 vjet dhe dua të theksoj që është i amortizuar komplet dhe i ndryshkur 100%. Arsyeja e dytë është që, kjo zonë është pothuajse informale. Gjatë 30 vjetëve të gjitha ndërtesat që janë ndërtuar këtu, kanë marrë ujë në mënyrë private."<br /><br />Nga ana tjetër për të eleminuar shkallën e ndotjes punonjësit kanë punuar në terren prej disa ditësh për të eleminuar lidhjet e paligjshme dhe është bërë pastrimi i gjithë rrjetit me ujë të bollshëm.<br /><br />Refat Arizi: "Ne si ndërmarrje nuk e kemi këtë mundësi ekonomike. I kemi dërguar një letër bashkisë, është duke e parë bashkia dhe do e shtrojë edhe në Këshillin Bashkiak, sepse ka një kosto prej rreth 20 milionë lekësh të reja."<br /><br />Ndotja e ujit të pijshëm është e lartë kryesisht në stinën e verës, pasi uji vjen në rubineta më pak dhe me orë të reduktuara gjë e cila ndikon edhe në përcjelljen e mbetjeve nga tubacioni në çezmat e qytetarëve.<br />Për më shumë lexoni në:<br />http://oranews.tv/article/ndotja-e-ujit-ne-otllak-dhe-orizaj-shkak-rrjeti-i-amortizuar-dhe-nderhyrjet-e-paligjshme
