Subscribe në Ora News këtu http://bit.ly/1s5j7UT<br /><br />Konflitet e vjetra dhe hakmarrja mes grupeve të përfshira në trafikun e drogës janë pistat që po hetohen për motivin e plagosjes së një 38-vjeçari, pasditen e kësaj të shtune në qendër të qytetit të Korçës.<br /><br />Ai është Erion Hoxhallari dhe tashmë ndodhet jashtë rrezikut për jetën në spitalin rajonal, pasi mori një plumb në dorë.<br /><br />I riu u qëllua me psitoletë në një prej zonave më të frekuentuara të qytetit. Ngjarja që shkaktoi panik mes qytetarëve të shumtë u regjistrua përpara bashkisë dhe vetëm 50 metra larg nga komisariati.<br /><br />Në njoftimin e parë policia theksoi reagimin e shpejtë falë të cilit ka vënë në pranga autorin, por për të nuk bëhet i ditur identiteti dhe disa persona të tjerë të përfshirë. Ndërsa shkakun e konfliktit e klasifikojnë për motive të dobëta.<br /><br />Burime thonë se janë konfliktet e vjetra mes dy grupeve të dyshuara si të përfshirë në veprimtari të paligjshme. <br /><br />Personat në këtë konflikt kanë zbritur nga tre automjete dhe fillimisht kanë debatuar dhe janë përleshur me njëri-tjetrin derisa gjithcka u përshkallëzua në pëërdorimin e armës së zjarrit. Mësohet se një prej individëve të përfshirë në konflikt është një ish punonjës policie.<br /><br />Për më shumë lexoni në: http://oranews.tv/article/korce-38-vjecari-dyshohet-se-u-qellua-hakmarrje-mes-grupeve-te-trafikut-te-droges
