Subscribe në Ora News këtu http://bit.ly/1s5j7UT<br /> Partia Demokratike iu rikthye sërish akuzave ndaj gjyqtarit të Gjykatës së Lartë, i konfirmuar në detyrë nga organet e vettigut.<br /><br />Deputeti demokrat, Gent Strazimiri, duke e cilësuar gjyqtarin simbol të drejtësisë së kalbur nga korrupsioni dhe lidhjet me krimin e organizuar, i drejtoi dy pyetje KPK-së.<br /><br />Strazimiri: Partia Demokratike pyeti dy ditë më parë, nëse organet e vettingut e kishin verifikuar faktin e kontaktit të papërshtatshëm të Ardian Dvoranit, mikut të Fatmir Xhafajt me vëllanë e tij Agron Xhafaj, i dënuar me burg si anëtar i një organizate kriminale dhe trafikant ndërkombëtar droge.<br /><br />Duke mos marrë përgjigje mbi këtë fakt, sot Partia Demokratike pyet përsëri dhe drejtpërdrejtë organet e vettingut:<br /><br />-A ka qenë Ardian Dvorani ndërmjetësi i Agron Xhafajt me anëtarët e Kolegjit Penal të Gjykatës së Lartë për të vendosur mosekstradimin në Itali të Gramoz Murataj, anëtarit të bandës së Agron Xhafajt, i dënuar bashkërisht me të për trafik ndërkombëtar droge?<br /><br />-A ka kontaktuar Fatmir dhe Agron Xhafaj me gjyqtarin Ardian Dvorani gjatë asaj periudhe?<br /><br />Strazimiri thotë se Ardian Dvorani është marrë nën mbrojtje publike nga tutori i tij Edi Rama për të kaluar në heshtje faktet që provojnë se ai duhet të ishte shkarkuar nga detyra.<br /><br />Strazimiri: "Organet e vettingut kanë detyrimin të japin përgjigje mbi këto pyetje dhe të sqarojnë opinionin publik, nëse i kanë verifikuar këto fakte dhe si i kanë verifikuar ato".<br /><br />Ardian Dvorani u konfirmua në detyrë, duke patur në dosje edhe shërbimin që i bëri Edi Ramës me vendimin e tij lidhur me çështjen e sekuestrimit të pasurive të paligjshme të baronit të drogës Klement Balili, tha më tej Strazimiri.<br /><br />Strazimiri: Ndërsa 26 mijë qytetarë presin në rradhë prej vitesh që çështjet e tyre të shqyrtohen, çështja e pasurive të Balilajve u mor në shqyrtim nga Gjykata e Lartë pa kaluar 1 muaj nga data e saj e regjistrimit, duke favorizuar familjen Balilaj.<br /><br />Për më shumë lexoni në: http://oranews.tv/article/pd-dvoranin-pengoi-ekstradimin-e-anetarit-te-bandes-se-agron-xhafaj
