Subscribe në Ora News këtu http://bit.ly/1s5j7UT<br />Ministri i Jashtëm i Gjermanisë, Heiko Maas, deklaron se Gjermania është e impresionuar nga reformat e Shqipërisë në fushën e drejtësisë dhe sundimit të ligjit.<br /><br />Në një postim në twitter pas takimit që pati me homologun shqiptar, Ditmir Bushati, kryediplomati gjerman shkruan se shqiptarët kanë çdo arsye të jenë krenarë për këtë.<br /><br />Sipas tij, të gjithë aktorët politikë në Shqipëri duhet të mbështesin reformat e vazhdueshme.<br /><br />Në takimin me Bushatin, Ministri i jashtëm gjerman tha se është në "interesin strategjik" të Bashkimit Evropian të zgjerohet në Ballkanin Perëndimor sepse përndryshe Kina dhe Rusia do të fitojnë ndikim në vendet e rajonit. <br />Heiko Maas tha të hënën se Maqedonia dhe Shqipëria kanë filluar të vënë në vend reformat e kërkuara për anëtarësimin në BE. <br /><br />Maas tha se ai "është i bindur se njerëzit në Ballkanin Perëndimor duan të jetojnë ashtu siç bëjmë në Evropë dhe jo në mënyrën sesi njerëzit në Kinë apo Rusi duan të jetojnë". <br />Maas thotë se Gjermania është "shumë, shumë pozitive për zgjerimin e BE-së në Ballkanin Perëndimor sepse jemi të bindur se është në interesin strategjik të një Evrope të lirë". <br />BE mund të hapë bisedimet e anëtarësimit me Shqipërinë dhe Maqedoninë vitin e ardhshëm.<br />Për më shumë lexoni në:<br />http://oranews.tv/article/ministri-gjerman-te-gjithe-aktoret-politike-ne-shqiperi-duhet-te-mbeshtesin-reformat
