http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Pas arrestimit të Vilson Brahjas si personi që vuri tritolin në shtëpinë e Gazmir Dacit në Bathore, disa ditë më parë, policia shpalli në kërkim si porositës njërin prej vëllezërve Kolaveri.<br /><br /><br /><br />Pas ngjarjes së rëndë policia shkoi në shtëpinë e Sajmir Kolaverit për ta marrë në pyetje, por ai nuk gjendej dhe për këtë e shpalli atë në kërkim.<br /><br /><br /><br />Tritoli është i treti në serinë e sulmeve ndaj familjes Daci. Shkak i shpërthimit, por edhe i atyre më parë dyshohet se janë konfliktet e vjetra dhe hasmëria, pasi Gazmir Daci është dënuar për vrasjen e njërit prej vëllezërve në vitin 2015.<br /><br /><br /><br />Që prej asaj kohe 31-vjecari ndodhet në burg i dënuar me 35 vite heqje lirie.<br /><br /><br /><br />Ngjarja për të cilën u akuzua ndodhi pasditen e datës 4 nëntor të vitit 2015, në Bathore të Tiranës, kur ai qëlloi me armë zjarri në drejtim të dy vëllezërve, Valmir dhe Robert Kolaveri. Njëri nga vëllezërit, Valmiri, 28 vjeç, mbeti i vdekur në vend, ndërsa vëllai i tij u plagos rëndë dhe tashmë është i paralizuar.<br /><br /><br /><br />Nga hetimet rezultoi se Daci kishte qëlluar ndaj dy vëllezërve, pasi disa muaj para ngjarjes ata e kishin rrahur në Francë. Pas krimit, ai largua nga vendngjarja, duke u ndihmuar edhe nga i ati dhe qëndroi në arrati për gati një muaj, duke u fshehur në një hotel, ku u arrestua dhe nga forcat RENEA.
