Subscribe në Ora Neës këtu http://bit.ly/1s5j7UT<br /><br />Një ngarkesë prej 1 ton e 463 kilogramë lëndë narkotike kannabis sativa ishte mbyllur në dy furgona të fshehur mes shkurresh e pemësh në afërsi të shtratit të lumit Vjosa.<br /><br />Droga ishte prodhuar më herët, madje një pjesë është gjetur e ngurtësuar drejt dekompozimit, dhe mesa duket është fshehur në furgon për t'i shmangur operacioneve të kontrollit në të gjithë territorin e Shqipërisë që policia ka ndërmarë dhe vijon për të parandaluar kultivimin e kanabisit.<br /><br />E mbështjellë mirë dhe me adeziv kultivuesit kanë vendosur drogën në dy furgonë të bardhë të markës 'Mercedes Benz' me targa të falsifikuara të cilët i kishin mbyllur me celës. Më pas furgonat ishin fshehur mes shkurresh, në afërsi të fshatit Leshnje, Bashkia Memaliaj.<br /><br />Operacioni i koduar "Vjosa" u ndërmor pas informacioneve të marra në rrugë operative, nga shërbimet e Policisë të Stacionit të Policisë Memaliaj në bashkëpunim me Specialistët e Seksionit për Narkotikët pranë Drejtorisë Vendore të Policisë Gjirokastër.<br /><br />"Si rezultat i presionit të kontrollit të ushtruar javët e fundit në atë territor nga shërbimet e Policisë për evidentimin e personave që mund të mbajnë armë e lëndë narkotike me qëllim trafikimin e saj, personat që dispononin lëndën narkotike dhe armët e zjarrit i kanë fshehur në pyll me qëllim shmangies së kontrollit" informoi sot policia e Gjirokastres.<br /><br />Sekuestrohen dhe snajper<br /><br />Gjatë kontrollit grupi hetimor konstatoi se në brendësi të furgonave kishte pako me lëndë narkotike dhe armë zjarri dhe konkretisht:<br /><br /> 16 armë zjarri (1 snajper, 12 kallashnikovë, 2 pushkë dhe 1 armë gjahu.<br /><br /> 1 ton e 463 kilogramë lëndë narkotike Cannabis Sativa (prodhuar më herët, një pjesë e ngurtësuar drejt dekompozimit)<br /><br />Policia nuk jep detaje se kush mund te jenë autorët.<br /><br />"Operacioni ndiqet me metoda speciale dhe për këtë arsye nuk mund të jepen të dhëna të tjera."<br /><br />Materialet do t'i kalojnë Prokurorisë Pranë Gjykatës së Shkallës së Parë Gjirokastër, për hetim të mëtejshëm, për veprat penale ?Prodhim dhe shitje të narkotikëve? dhe ?Prodhimi dhe mbajtje pa leje e armëve luftarake dhe municionit? dhe ?Prodhim dhe mbajtja pa leje e armëve sportive dhe të gjuetisë? parashikuar nga nenet 283/1, 278 dhe 280 të Kodit Penal.<br /><br />Për më shumë lexoni në:<br />http://oranews.tv/article/zbulohen-gati-1-5-ton-droge-ne-memaliaj
