Subscribe në Ora News këtu http://bit.ly/1s5j7UT<br />Biznesi shqiptar edhe në tremujorin e dytë nuk është kredituar. Banka e Shqipërisë raporton se kërkesa e bizneseve për kredi ka ardhur në rritje, ndërkohë bankat shprehen se kanë shtrënguar standardet e kreditimit për biznesin e madh dhe i kanë lënë të pandryshuara për biznesin e vogël dhe të mesëm.<br /><br />Kjo situatë nënkupton që investimet dhe rritja e të punësuarve për këtë periudhë në sektorin privat nuk do të ketë përmirësim.<br /><br />Sipas monedhave, kreditimi në lekë ka shfaqur norma më të larta rritjeje se ai në valutë të huaj kryesisht në euro. Kjo si rezultat i uljes së normave të interesit për kreditimin në lekë. Ndërkohë, normat e interesit për kreditë në euro shfaqen lehtësisht më të larta se në tremujorin e parë, por mbeten në nivele më të ulëta në krahasim me vitin 2017. Por ka qenë një tjetër situatë me kreditimin e individëve.<br /><br />Sipas raportit të Bankës së Shqipërisë në tremujorin e dytë të vitit 2018, kredia për individë është rritur duke u mbështetur më së shumti nga kredia për banesa dhe më pak nga ajo për konsum. <br />Mësohet se kjo situatë gjatë këtij tremujori, bankat kanë lehtësuar kërkesat për kolateral për individët dhe kanë lënë të pandryshuar kushtet e tjera. Sipas statistikave të Bankës së Shqipërisë gjatë muajit qershor kredia për ekonominë në total u ul me 9.4 mld lekë krahasuar kjo me një muaj më parë.<br /><br />Për më shumë lexoni në: http://oranews.tv/article/kreditimi-i-ekonomise-i-dobet
