Subscribe në Ora News këtu http://bit.ly/1s5j7UT<br />Mungesa e reshjeve të shiut dhe temperaturat e larta të ditëve të fundit që kanë përfshirë vendin tonë kanë ndikuar në rënien e nivelit të ujit në basenin e Hidrocentralit të Fierzës. Ndryshe nga një muaj më parë kur ky liqen ishte pranë kuotës maksimale, këtë fillim gushti niveli ka arritur në 293 metra.<br /><br />Pavarësisht tendencës në rënie, baseni më i madh në vend, që shërben si rregullator edhe për liqenet e Komanit dhe të Vaut të Dejës, vazhdon të jetë në nivele të pranueshme. Por nisur nga parashikimi i meteorologëve, ditët me temperatura të larta do të vijojnë dhe për pasojë edhe prurjet në këtë liqen pritet të shënojnë rënie.<br /><br />Në nivelin maksimal Liqeni i Fierzës arrin në 296 metra ndërsa ka një kapacitet prej 2.7 miliard metër kub ujë.<br /><br />Ndërsa niveli më i ulët kur nuk mund të prodhohet energji elektrike është 242 metra, dhe kapaciteti në këtë rast shkon në 1.2 miliardë metër kub ujë. pikërisht situata e mirë hidrike e muajve të fundit ka sjellë rritje të prodhimit dhe eksportit të energjisë elektrike. kjo ka sjellë dhe rritje të ekonomisë, që sipas INSTAT gjashtëmujorin e parë preku nivelin e 4.3 për qind<br /><br />Për më shumë lexoni në: http://oranews.tv/article/bie-niveli-i-fierzes
