Ushqimi i konsumuar në tre dasma të ndryshme në të njëjtin lokal, në qytetin e Elbasanit, i shkaktoi probleme dhjetëra dasmorëve, të cilët përfunduan me helmim në spital. 44 persona morën trajtim mjekësor, ndërsa 3 raste u transferuan në spitalin infektiv në kryeqytet.<br /><br />Jo vetëm gjatë ditës, por fluks të të helmuarve kishte edhe në orët e vona të mbrëmjes së të hënës.<br /><br />Autoritetet spitalore thonë se pacientët kishin të vjella, këputje, diarre dhe dhimbje koke.<br /><br />Nëndrejtor i Qendrës Spitalore ?Xhaferr Kongoli?, Luan Rrapi tha: "Të gjitha analizat janë marrë, përveç biokimikadhe koprokultura, që është një analizë që del pas 2-3 ditësh nga Instituti në Tiranë, që do të na japë një të dhënë se kush është shkaku".<br /><br />Dyshimet janë për helmim nga salmonela. Pas inspektimit në lokalin ?Laguna Blu", ku ishin mbajtur dasmat, Autoriteti Kombëtar i Ushqimit vendosi bllokimin e aktivitetit, si dhe një gjobë në vlerën e 700.000 lekëve.<br /><br />Gjatë inspektimit u sekuestruan produkte ushqimore me bazë mishi e bulmeti, të cilat mbaheshin në kushte të rënda higjeno-sanitare.<br /><br />Tv Klan
