Në pikun e sezonit turistik qyteti i Vlorës dhe vija bregdetare e tij vijon të mbetët e preferuar për pushuesit vendas dhe jo vetëm. Pushuesit shprehen për Report tv se sistemimi i plazheve, pastertia e detit si dhe qetësia, janë elementët që e bëjnë këtë një zonat më të preferuarat. Ndër të tjera pushuesit thonë se, çmimet të cilat ofrohen janë normale dhe të përballueshme për të gjithë vizitorët. <br /><br />Është rregulluar shumë vitet e fundit. Është pastër dhe rregull. Edhe çmimet janë të arsyeshme.<br /><br />Turistët<br />Siguria në plazhe është një tjetër arsye që këtë vit është më në nivel krahasur me vitet e tjera. Por ata të cilët ankohen më së shumti janë administratorët e lokaleve dhe hoteleve, të cilët pohojnë një rënie të numrit të pushuesëve në krahasim me të njëjtën periudhë të një viti më parë.<br /><br />Në këtë sezon siç e shikoni edhe vetë gjendja është shumë e dobët. Është shumë bosh. Emigrantët skanë ardhur fare.<br /><br />Administrator lokali<br />Edhe pse investimet kanë qenë shumë të mëdha, administratoret e sherbimeve hoteliere thonë se fluksi i njerëzve ka rënë jashtëzakonisht. Sipas tyre pritej një numër më i madh i emigranteve, madje edhe te huajt këtë vit janë më të pakët.
