Subscribe në Ora News këtu http://bit.ly/1s5j7UT<br />Po shkonin si çdo ditë në punë, drejt hidrocentralit të Komanit, por mëngjësi i së mërkurës (8 gusht) për pak nuk u kthye në tragjedi për Klajdi Shehun, Ilir Shpendin dhe Arment Lalollarin.<br /><br />Tre punonjësit e hidrocentralit që vinin nga Tirana, përfunduan në një humnerë me mjetin me të cilin po udhëtonin.<br /><br />Pak kilometra pa mbërritur në vendin e punës, gjatë hyrjes në një nga kthesat e shumta që ka kjo rrugë, drejtuesi i mjetit humbi kontrollin dhe për pasojë përfundoj disa metra poshtë rrugës, ku nga rrokullisjet e shumta, ata morën plagë të forta në kokë dhe trup. <br /><br />Tre të dëmtuarit për shkak të gjendjes së rëndë shëndetësore u dërguan me helikopter drejt Spitalit të Traumës në Tiranë. <br /><br />Gjendja e tyre sipas mjekëve vlerësohet e rëndë, pasi frakturat e shkaktuara në disa pjesë të trupit janë të shumta. <br /><br /> Grupi hetimor që mbërriti në vendngjarje nisi hetimet për shkaqet e këtij aksidenti.<br /><br />Kthesa <br /><br /> Ata rindërtuan skemën e plotë dhe burimet i thanë Ora News, se dyshohet që mjeti kur ka hyrë në kthesë ka qënë duke lëvizur me shpejtësi dhe kjo ka ndikuar që të humbë kontrollin.<br /><br />"Nga veprimet e para dyshohet se drejtuesi i mjetit ka humbur kontrollin për shkak të një kthese të fortë" informoi dhe policia e Shkodrës.<br /><br />Gjithashtu rruga e amortizuar nuk ka lejuar manovrimet dhe për pasojë ata kanë përfunduar në humnerë. Por një tjetër pistë është edhe ajo e ndonjë defekti që mund të ketë pësuar makina, gjë që do të dalë në përfundim të ekspertizës. <br /><br />Rruga Shkoder ? Koman në vite ka shkaktuar aksidente të shumta, e shpesh me pasoja fatale për jetën. Në 55 kilometrat e saj kjo rrugë në të cilën nuk është ndërhyrë prej periudhës së komunizmit, është tejet e amortizuar, me kthesa të rrezikshme që nuk kanë asnjë mbrojtëse anësore dhe pa sinjalistike. <br /><br />Megjithëse çdo ditë në të kalojnë punonjësit e hidrocentralit dhe banorë të zonës, e turistë të shumtë, vemendja që ka patur shteti për këtë rrugë nuk ka nevojë për shumë komente. <br /><br />Në 23 korrik të 2016-es, në këtë rrugë një 23 vjeçar përfundoj në humnerë me mjetin e tij dhe mbeti i plagosur.<br /><br /> Në 23 nëntor 2014, po një tjetër aksident në këtë rrugë i mori jetën 3 shtetasve dhe 1 tjetër mbeti i plagosur. Pa përmendur me dhjetra të tjerë të ndodhur ndër vite. Pyetja që lind natyrshëm, është se edhe sa aksidente duhet të ndodhin në këtë rrugë që shteti të marrë masa?<br />Për më shumë lexoni në: <br />http://oranews.tv/article/rruga-e-komanit-makina-me-tre-persona-ne-bord-bie-ne-gremine
