Subscribe në Ora News këtu http://bit.ly/1s5j7UT<br />Ministria e Brendshme dhe Ministria e Drejtësisë janë bërë bashkë kundër vendimit të gjyqtares së Gjykatës së Vlorës, Herila Çela e cila ka lënë në arrest shtëpie Taulant Manaj, ose i njohur dhe me mbiemrin Beqiraj.<br /><br />28 vjeçari ishte kapur me armë pa leje dhe ndonëse ishte një person përsëritës dhe i njohur për rrezikshmërinë kriminale në qytetin e Vlorës gjyqtarja ka bërë zëvendësimin e masës së sigurisë nga arrest me burg në arrest shtëpie.<br /><br />" Ky vendim, në kufijtë e absurdit, ka vënë në pikëpyetje gjithë luftën dhe sakrificën e bërë deri më tani. Duke pasur besimin se vendimet e gjykatave nuk janë pronë apo interes vetëm i gjyqtarit që jep vendimin, gjejmë rastin të denoncojmë me forcë dhe publikisht historikun e një të personi të arrestuar 2 herë brenda pak muajve për vepra të rënda penale dhe i lënë më pas në masën ?Arrest shtëpie?, megjithëse herën e dytë kishte thyer këtë masë dhe u kap me armë në makinë " tha Zvendesministri i Brendshem Besfort Lamallari në një deklaratë për median. <br /><br />Si arrestohej dhe lirohej Taulant Manaj<br /><br />Më datë 27.02.2017, arrestohet në flagrance Tauland Manaj (Taulant Beqiraj), 28 vjeç, banues në Vlorë, për veprën penale ?Vrasje me dashje, e mbetur në tentativë, kryer në bashkëpunim? dhe ?Mbajtje pa leje e armeve luftarake dhe municionit?. Gjykata e Shkallës së Parë Vlorë me Vendimin Nr. 61 datë 02.03.2018 caktoi masën e sigurisë ?Arrest ne burg?, për shtetasin Taulant Manaj.<br /><br />Atë ditë pati një përplasje mes dy grupevenë Vlorë duke shkaktuar tre të plagosur<br />Me Vendimin Nr.979 datë 28.03.2018, Gjykata e Apelit Vlorë ndryshoi masën e sigurisë nga ?Arrest ne burg?, ne masën e sigurisë ? Arrest në shtëpi ? për shtetasin Taulant Manaj.<br /><br />Tre muaj më pas, më datë 23.06.2018, u be serish arrestimi ne flagrance Taulant Manaj (Beqiraj) i dyshuar për kryerjen e veprave penale ?Largimi i të burgosurit nga vendi i qëndrimit?, ?Mbajtja pa leje dhe prodhim i armeve, armeve shpërthyese dhe i municioneve ? dhe ?Prodhim dhe shitje e narkotikeve ?. <br /><br />Me Vendim Nr. 1416 date 06.08.2018, Gjykata e Shkalles së Parë Vlorë, ka vendosur zëvendësimin e masës se sigurimit personal ? Arrest në burg? me masën e sigurisë ? Arrest në shtëpi?, për një person përsëritës dhe të njohur për rrezikshmërinë kriminale në qytetin e Vlorës.<br /><br />KLD kerkon shkarkimin<br /><br />Ministria e Drejtësisë i kërkon Inspektoriatit të Këshillit të Lartë të Drejtëisë me shumë urgjencë të hetojë për veprimet e gjyqtares së Vlorës Herila Çela<br /><br />"Ne do të ndjekim deri në fund çështjen dhe do të propozojmë pranë KLD marrjen e masave në përpjestim me shkeljen, deri edhe shkarkimin e gjyqtares" tha zv.ministri i Drejtesise, z.Toni Gogu.<br /><br />Bëhet fjalë për rastin e një të arrestuari me armëmbatje pa leje ndaj të cilës gjyqtarja ka vendosur masën e sigurisë 'arrest shtëpie" edhe pse ai ishte përsëritës.<br /><br />"Gjyqtarja Herila Çela, duke mbyllur sytë para fakteve e provave kuptimplota, ka vendosur masën e sigurisë arrest në shtëpi, për një...
