Prej disa orësh forca të ndërhyrjes së shpejtë, ato Renea dhe Delta Force janë në kërkim të autorit të masakrës me 8 të vrarë në fshatin Resulaj të Vlorës.<br /><br />Ridvan Zykaj ky që shihni në këtë foto pasditen e së premtes qëlloi me breshëri kallshnikovi të afërm të duke shuar 3 familje. 24-vjeçari zbrazi plot dy karikatorë mbi vëllain e gjyshit të tij Demir Zykaj dhe gruan e 75-vjeçarit, Perije Zykaj. Viktima mbetën edhe dy djemtë e Demirit, Azem dhe Besim me nuset Afërdita dhe Vasilika si dhe fëmijët e Besimit Sara Zykaj 16 vjeç dhe Ledion Zykaj 8 vjeç.<br /><br />Viktimat:<br /><br />Demir Zykaj 75 vjeç<br /><br />Perije Zykaj 72 vjeçe<br /><br />Azem Zykaj 45 vjeç<br /><br />Aferdita Zykaj 42 vjeçe<br /><br />Besim Zykaj 43 vjeç<br /><br />Vasilika Zykaj 42 vjeçe<br /><br />Sara Zykaj 16 vjeçe<br /><br />Ledion Zykaj 8 vjeç<br /><br />Rrethanat e kësaj ngjarje janë ende të paqarta, por dyshimet e para flasin për një grindje të çastit mes tij dhe kushërinjve.<br /><br />Policia e Vlorës ka sqaruar se bëhet fjalë për një person tepër të rrezikshëm dhe u kërkoi qytetarëve që në rast konstatimi t?i shmangen përpalljes me autorin, i cili dyshohet se është i armatosur. Të shokuar banorët thonë se nuk kishin vënë re përplasje mes dy familjeve.<br /><br />Të parët që u shoqëruan në polici ishin prindërit e autorit, të cilët mund të hedhin më shumë dritë mbi rrethanat e ngjarjes. Forca të shumta po krehin zonën për kapjen e 24-vjeçarit që ka mundur t?i fshihet policisë, i favorizuar dhe nga errësira por edhe nga fakti se e njeh mirë terrenin e zonës.<br /><br />Në vendngjarje mbërriti të në orët e vona të së premtes edhe ministri i Brendshëm, Fatmir Xhafaj, i shoqëruar nga krerët më të lartë të policisë. Blutë kanë kërkuar nga çdo banor i zonës që mund të ketë dijeni për vendndodhjen e autorit të informojë policinë në ruajtje të anonimatit.<br /><br /><br /><br />Tv Klan
