http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Mijëra protestues antiqeveritarë kanë mbushur rrugët e sheshet e Rumanisë gjatë mbrëmjes së të premtes. Mediat vendase shkruajnë se të paktën 30,000 njerëz duke përfshi edhe mijëra rumunë që punojnë jashtë vendit, protestuan në kryeqytetin rumun në Bukuresht.<br /><br /> <br /><br />Protestuesit hodhën shishë dhe pllakat e rrugës kundrejt kordonit të policisë, por u përballën me gaz lotsjellës, dhe sprait djegës. Mbi 100 protestues dhe efektivë policie mbetën të plagosur si pasojë e përleshjeve.<br /><br /><br /> <br /><br />Duke mbajtur flamuj rumunë dhe të Bashkimit Europian, protestuesit kërkojnë dorëheqjen e qeverisë, pasi kundërshtojnë përpjekjet e Partisë Social Demokrate për të dobësuar gjyqësorin, por edhe për pagat e ulëta e korrupsionin në vend.<br /><br /> <br /><br />Protesta kundër partisë në pushtet PSD janë zhvilluar prej disa muajsh në Rumani.<br /><br /> <br /><br />Rreth 150 mijë shtetas rumunë u mblodhën në Bukuresht vitin e kaluar, pasi qeveria kaloi një dekret që mund të lironte të burgosurit e dënuar mbi akuza për korrupsion. Sistemi gjyqësor rumun ndërkohë është vënë nën vëzhgim të veçantë nga Brukseli.
