I pari që pa trupat e pajetë ishte gjyshi i autorit të masakrës, njëkohësisht dhe vëllai i Demir Zykaj që u vra së bashku me 7 pjesëtarë të familjes së tij pasditen e së premtes.<br /><br />Kujtim Zykaj tregon se kur doli nga shtëpia, nipi i tij, Ritvani i kishte thënë se do të shkonte të kulloste bagëtitë. Por vetëm pak minuta më pas ka dëgjuar të shtënat e automatikut të tij që po shuante 3 familje.<br /><br /><br />Ka kërkuar fillimisht në shtëpinë e të vëllait, nga ku vinin të shtënat, por më kot. Trupin e vëllait të vrarë dhe familjes së tij i gjeti në rrugë. E për këtë është ende i tronditur.<br /><br />Pamja më e tmerrshme siç, tregon 72 ? vjeçari, ishte në oborrin e shtëpisë së nipit të vogël, Besimit, të cilin vrasësi e kishte ekzekutuar së bashku me të shoqen dhe 2 fëmijët e tij, Sarën dhe Ledionin.<br /><br />Kujtim Zykaj mohon që mes viktimës dhe familjes së vëllait të tij të kishte ndonjë konflikt të hapur. Ai, të paktën, nuk ka qenë në dijeni.<br /><br />Tv Klan
