Subscribe në Ora News këtu http://bit.ly/1s5j7UT<br />Mes dhimbjes së pashoqë dhe lotëve u përcollën mesditën e sotme, për në banesën e fundit 8 viktimat e masakrës së shkaktuar nga Ridvan Zykaj. Pasditen e 10 gushtit i armatosur me automatik 24 vjeçari shkoi në dy banesa dhe qëlloi me automatik duke vrarë pjesëtarët e dy familjeve të fisit Zykaj, jo shumë larg banesës së tij në fshatin Resulaj të Selenicës në Vlorë. <br /><br />Tetë varre të hapura në një vijë, gati për tetë arkivole: ai i Demirit, Peries, Besimit, Vasilikës, Azemit, Afërditës, Sarës 16 vjeçare dhe Ledionit vetëm 8 vjeç. <br /><br />Fjalët janë të vështira në momente të tilla. <br /><br />"Askund nuk është parë dhe dëgjuar një krim i tillë. Kjo është një gjëmë" thotë një familjar ndërsa ka një apel shoqërisë por dhe shtetit<br /><br />"T'i qëndrojmë pranë të rinjve për të mos bërë veprime të tilla. Shteti ti gjejë vendin kriminelit."<br /><br />"Kjo dhimbje është e madhe dhe shumëfishtë qoftë dhe për pamundësinë tonë për ta parandaluar. Çdo njeri duhet të jetë i ndërgjegjshëm dhe i përgjegjshëm për të mos cënuar lirinë e tjetrit, se në këtë mënyrë ka kërcënuar jetën e vet" thotë një përfaqësues i bashkisë Selenicë e cila ka marrë përsipër mbulimin e shpenzimeve mortore, me vlerë 1.2 milionë lekë të reja.<br /><br />Për më shumë lexoni në: http://oranews.tv/article/sot-lamtumira-viktimave-te-masakres-ne-vlore-hapet-zia-ne-tre-shtepia
