Subscribe në Ora News këtu http://bit.ly/1s5j7UT<br />Jepet masa e sigurisë arrest me burg për drejtuesen e mjetit që aksidentoi për vdekje dy persona në Kamëz .<br /><br />Gjykata e Tiranës ka pranuar kërkesën e bërë nga prokuroria për lënien në burg të Rozina Kolecit deri në përfundimin e plotë të hetimeve.<br /><br />Tre ditë më parë Koleci aksidentoi 7-vjeçaren Esmeralda Ndreu dhe Ramazan Ishën. Në kohën që është marrë në pyetje Koleci ka folur në gjendje të rënduar emocionale dhe ka shpallur pendesë për ngjarjen.<br /><br />Ajo ka sqaruar se nuk ishte me shpejtësi dhe se e gjithçka ndodhi si pasojë e biçikletës e cila ka dalë në mënyrë të papritur në rrugë dhe është detyruar që të manovrojë duke humbur në këtë mënyrë kontrollin e automjetit.<br /><br />Aksidenti u shënua tek shinat e trenit në Kodër Kamëz. Shtetasja Rozina Koleci, 38 vjeçe që drejtonte makinën me targë AA071UA, fillimisht përplasi për vdekje shtetasin Ramazan Ishni, i cili ishte duke drejtuar bicikletën ne momentin e aksidentit.<br /><br />Më pas ka përplasur edhe nënën, Valbona Ndreu, 29 vjeçe me dy vajzat e saj që po kalonin në anën tjetër të rrugës. Makina është përplasur më pas edhe me një furgon të bardhë.<br /><br />E mitura me iniciale E.N, 7 vjeçe nuk mundi t`i mbijetojë plagëve të marra dhe humbi jetën në vendngjarje ndërsa e ëma, Valbona Ndreu dhe vajza tjetër e saj me iniciale E.N 6 vjeç u dërguan me urgjencë në Spitalin e Traumës dhe fatmirësisht arritën të shpëtojnë.<br /><br /><br />Për më shumë lexoni në: <br />http://oranews.tv/article/mbetet-ne-burg-shoferja-qe-shkaktoi-aksidentin-tragjik-te-8-korrikut
