Shumë banorë të fshatit Macukull e kaluan natën jashtë pas tronditjeve nga tërmeti i së shtunës. Ata tregojnë frikën dhe panikun në lëkundjet që u dëmtuan shtëpitë.<br /><br />Momentalisht janë raportuar 215 banesa të dëmtuara ne Mat, Klos dhe Bulqize, ndërsa verifikimi nuk ka përfunduar. Dëmet më të mëdha janë në Mat ku 4 banesa janë tërësisht të pabanueshme. Ndërsa 90 të tjera janë dëmtuar pjesërisht. Në Bulqizë janë dëmtuar 47 banesa, në Klos 36 dhe 38 në Mirditë.<br /><br />Për të parë situatën nga afër, në zonën më të prekur nga tërmeti, fshati Macukull i Bashkisë Mat, ishte vetë Drejtori i Përgjithshëm i Emergjencave Civile, Haki Çako, i cili tha se familjeve që kanë banesat e të dëmtuara do t?ju vihet në ndihmë me çadra.<br /><br />Epiqendra e tërmetit ishte 10 km në veri të Burrelit dhe me thellësi 23 km. Lëkundjet u ndjenë në Tiranë dhe në zonat verilindore. Sizmologët thonë se kjo ishte lëkundja e 932-të brenda 1 muaji. Goditja prej 5.1 balle sipas tyre u shoqërua dhe nga lëkundje të tjetra me pak të forta.<br /><br />Tv Klan
