Pas të nxehtit afrikan, vendi është përfshirë nga reshje shiu. Edhe pse moti është shoqëruar me rrebeshe shiu, temperaturat kanë vijuar të jenë të larta deri në 36 gradë maksimalja.<br /><br />Sipas Meteoalb, edhe të enjten vendi do të mbetet në të njëjtat kushte atmosferike. Mesdita do të ketë sërish rrebeshe të shkurtra shiu në të gjithë territorin.<br /><br />Por të gjithë ata që kanë zgjedhur të pushojnë në zonat bregdetare nuk duhet të frikësohen, pasi moti do të vijojë të jetë i kthjellët dhe me temperatura të larta.<br /><br />Sipas sinoptikanëve, e premtja rikthen kthjellimet në të gjithë territorin, diell dhe temperatura deri në 36 gradë celsius.
